Kosova
Serbia i kundërpërgjigjet Kurtit pas paralajmërimeve për padi
Sipas kryeministres serbe, Kurti në çdo takim bilateral “bën cirk”, duke shtuar se për Kurtin dialogu Kosovë – Serbi nuk është përparësi e tij
”Albin Kurti le ta padisë Serbinë për gjenocid, në vend që të kërcënojë dhe të pengojë vazhdimisht procesin e dialogut”.
Kështu është deklaruar Kryeministrja e Serbisë, Ana Bërnabiç, në një intervistë për “TV Prva”, raporton gazeta serbe, Kurir.
Ajo e ka quajtur Kryeministrin e Kosovës “fanatik ideologjik”, dhe sipas saj gjithçka që është parashikuar të ndodhte nëse Kurti do të përfaqësonte Kosovën në dialog, “ka rezultuar të jetë e vërtetë”.
Sipas kryeministres serbe, Kurti në çdo takim bilateral “bën cirk”, duke shtuar se për Kurtin dialogu Kosovë – Serbi nuk është përparësi e tij.
E pyetur nëse është e mundur të arrihet një konsensus në Serbi për zgjidhjen e çështjes së Kosovës, Bërnabiç ka thënë se “nuk ka shpresë” se diçka e tillë do të ndodhë.
Po ashtu, ajo ka deklaruar se Kosova nuk është e barabartë me Serbinë si shtet.
“Unë pajtohem që jemi të barabartë si qenie njerëzore. Sidoqoftë, ne nuk jemi të barabartë në asnjë mënyrë tjetër, sepse Serbia është një vend që ka vija të kuqe, ndërsa Kosova nuk është një shtet i njohur ndërkombëtarisht”, përfundoi Brnabiç.
Kryeministri i vendit, Albin Kurti, ditë më parë pati deklaruar se Kosova do ta padisë Serbin për gjenocidin e kryer nga regjimi i atëhershëm serb gjatë periudhës së luftës së fundit.
Ndërkohë më 12 qershor në manifestimin qendror për shënimin e Ditës së çlirimit në fshatin Poklek të komunës së Drenasit në Kosovë, Kurti ka theksuar se Kosova duhet të ndërmarrë hapa konkretë ndaj Serbisë për gjenocidin e kryer para 22 vjetësh ndaj shqiptarëve.
Ai ka paralajmëruar se gjithçka është duke u dokumentuar.
“Pse armatoset Serbia, ky vend që ende nuk ka kërkuar falje për krimet masive që ka bërë 22 vjet më parë. Duhet ta padisim Serbinë për gjenocid. Vrasjet e civilëve, grave shtatzëna, të miturve, foshnjave, pleqve, përdhunimi i përdorur si armë luftë janë dokumentuar e po dokumentohen”, ka thënë Kurti.
Ai tutje ka thënë se Serbia ende qeveriset nga persona që kanë qenë ministra e zyrtarë të lartë në kohën kur këto masakra janë urdhëruar e zbatuar.
“Sigurisht, ata sot nuk mund të vijnë më të na pushtojnë e të na vrasin, por ëndrrat e tyre jo vetëm nuk i mohojnë, por i proklamojnë vazhdimisht, me investimet e shfrenuara për armatim modern, duke blerë armë prej Rusisë, Bjellorusisë e të tjera”.
Ndërkohë këto fjalë të Kurtit janë komentuar edhe nga krerët institucionalë serbë.
Sipas presidentit serb, Aleksandër Vuçiç, “Kosova nuk mund ta padisë Serbinë, meqë nuk është anëtare e Kombeve të Bashkuara”.
Të tjera nga Kosova
E-Diaspora
-
Detaje nga rasti kur një shtetas nga Kosova vrau pronarin e biznesit në Dyseldorf Një vrasje me armë zjarri është regjistruar dje në qytetin e Dyseldorfit në Gjermani. Mësohet se...
-
Arnold “The Cobra” Gjergjaj triumfon në luftën e fundit
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
Jeta në Austri
-
Austri: Përmbledhje e lajmeve të fundit të ditës së sotme Innsbruck me kryebashkiak të ri, SPÖ e qendrës së majtë zbulon planin për të financuar propozimin...
-
Gjithçka që ndryshon në Austri nga muaji maj
-
Katër liqene të bukura, tek të cilat mund të shkoni lehtësisht nga Vjena me transport publik
-
Sa vite duhet të punoni në Austri që të keni të drejtën e pensionit?
-
Austrian Airlines arrin marrëveshje pagash me punëtorët për të shmangur grevat e reja