“Salafistët e Kosovës, themelojnë degë partie në Zvicër”

Kryetari i partisë "Fjala" ka lidhje të mira me IZSR-në zvicerane ndërsa për partinë e tij kanë kandiduar tre anëtarë nga Zvicra

Në prag të  zgjedhjeve për Parlamentin e vendit që do të mbaheshin  më 11 qershor,   partia me orientim fetar “Fjala” kishte themeluar një degë të saj në Zvicër. Për më tepër, siç shkruan gazeta NZZ am Sonntag në botimin e saj të sotëm, kjo parti tashmë ka një rrjet në Zvicër dhe mban kontakte të ngushta me IZSR-në (Këshilli Qendror Isamik i Zvicrës) famëkeq dhe me disa xhami shqiptare të kontestuara këtu.

Dhe, kur jemi te dega e partisë, shkruan gazeta, tre kandidatë të saj nga Zvicra kanë garuar për t`u zgjedhur në Parlamentin e Kosovës . sigurisht, pa sukses.

Por, duke e cituar eksperten e islamit Saida Keller-Mesahli, në artikull më tutje thuhet se partia ka ndikim të theksuar në Zvcër ku dhe është e lidhur mirë me rrjetet radikale, transmeton albinfo.ch.

Fjala bën politikë salafiste e cila rrjedh nga jetësimi tekstual i Kuranit dhe sistemi juridik i sheriatit janë bazat e saj, thotë Mesahli,që eshte dhe kryetare e Forumit për Islamin Progresiv.

Ajo më tutje këto qëndrime i mbështet me faktin se eksponentë të partisë “Fjala” janë takuar shumë herë me IZSR dhe kanë bashkëpunuar me të. . po ashtu sipas saj është simptomatik fakti se Fjala është angazhuar për qendrën e sporteve luftarake të Shemsi Beqirit d, i cili është angazhuar në mbraksionin e njohur e të kontestuar të shpërndarjes falas të Kuranit “Lies”. Beqiri ëshë injohur edhe si personi që ka stërvitur delinkuentin e njohur Carlos, i cili pastaj është konverzuar në islam. Në rrjetet sociale mund të gjenden mjaft fotografi në të cilat Shemsi Beqiri merr poza me përfaqësues të partisë së përmednur. . madje edhe vet kryetari i partisë, Gëzim Kelmendi është prezantuar me Beqirin gjatë një vizite të tij në Solothurn, Zvicër .

Kelmendi qëndron herë pas here në Zvicër, vazhdon gazeta . Ai ka qenë mysafir në xhaminë shqiptare në Aarburg (AG) . Për këtë xhami ka punuar njëri ndër politikanët e partisë së Kelmendit, në Zvicër.  Ai, sot drejton radion online “Pendimi” e cila transmeton në gjuhën shqipe dhe arabe dhe shërben si platformë e predikuesve radikalë dhe propagandon edhe për IZSR-në, transmeton albinfo.ch. Por përfaqësuesi i kësaj të fundit, Qaasim Ali thotë se raporte formale nuk kanë me radion dhe partinë e përmednur.  Por më tutje artikulli thekson se afërsia e partisë Fjala me IZSR.-në shpjegohet edhe me faktin se kryetari i IZSR, Nicolas Blanco ka marrë për grua të dytë të tij motrën e njërit nga aktivistët e partisë Fjala. Por Illi ka thënë parimisht nuk japin informacione lidhur me çështje familjare e private.