Sa janë shtrenjtuar veturat e reja ndër vite?

Keystone

Deri kohët e fundit ishte e mundur të blini një veturë të re me çmim të mirë, ndërsa sot modelet bazë janë shumë më të shtrenjta.

Portali i specializuar, Automobilvoche, kontrolloi çmimet se sa veturat janë bërë më të shtrenjta. Sipas llogaritjeve të tyre, çmimi mesatar i një kompakte familjare u rrit me një 63% të pabesueshme nga viti 2002 në vitin 2020, ndërsa në segmentin B rritja është disi më e ulët, ende një shifër e madhe 59%. Vërtet, veturat janë më të fuqishme, të pajisura më mirë dhe më të sigurta, por pyetja është nëse e gjithë kjo justifikon një rritje të tillë të çmimeve.

Sipas Jato Dynamics, çmimi mesatar i kompaktit të segmentit C, i cili përfshin, për shembull, Ford Focus, Renault Megane dhe VV Golf, në 2002 ishte 18,400 euro. Në vitin 2020, kjo shumë u rrit në 30 mijë euro. Me përjashtim të versioneve të elektrizuara, rritja është ende e madhe dhe arrin në 53 për qind, kështu që çmimi i tyre ka arritur nga 13 mijë deri në 21 mijë euro.

Krejt kësaj mund t’i shtojmë inflacionin, sipas të cilit 18,400 euro në vitin 2002 sot arritën në 24,576 euro. Ende ka një rritje prej 21 për qind, e cila mund të përfshijë një numër faktorësh, nga rritja e çmimeve të zhvillimit, tek pajisjet e mësipërme dhe të ngjashme.

Në shembullin e Golfit, gjërat shkojnë kështu. Çmimi mesatar i tij u rrit me 22 për qind nga viti 2002 në 2010, dhe nga 2010 në 2020 me 37 për qind të tjerë. Në periudhën e fundit, Golf mori versione më të shtrenjta hibride, të pajisura posaçërisht R-Line, por edhe modele të shumta të shtrenjta (GTI, GTD, GTE, GTI Clubsport, R).

Ne mund të presim rritje të mëtejshme të çmimeve në të ardhmen. Përveç modeleve që bëhen më të mëdha dhe më të fuqishme, fakti është se elektrifikimi dhe pajisjet gjithnjë e më komplekse kanë një pjesë në rritje në çmimin e makinës që përfundimisht paguhet nga blerësi. Atë që donim, e morëm, apo jo?