Rrëzohet aeroplani, druhet për pesë të vdekur

Të gjithë personat që ishin në avionin i cili u rrëzua mesditën e së premtes në Weisshorn të Walisit kanë vdekur

Një aksident i rëndë ka ndodhur rreth orës 12.45m në rrethinën e Val d’Anniviers në afërsi të Weisshornit në Valis. Një avion privat është rrëzuar, ndërsa sipas informatave jozyrtare, të gjithë pesë personat në bord kanë gjetur vdekjen.

Ueb faqja e “Walliser Boten”, njofton se të gjithë personat e avionit i cili u rrëzua mesditën e së premtes në Weisshorn të Walisit kanë vdekur, me theks të veçantë se bëhet fjalë për burime jozyrtare. Sipas një deklarate të policisë dhënë mediave zvicerane, duhet llogaritur për të vdekur, por “për momentin nuk mund të themi diçka më tepër”, kanë derklaruar nga policia.

Aktualisht, në rrethinën e aksidentit është duke u gjurmuar me helikopterë për të zbuluar avionin e rrëzuar. Avioni i rrëzuar është i llojit “Beechcraft”, i cili ka qenë duke udhëtuar në relacionin Lozanë-Sion. Por edhe për këtë informatë, policia nuk ka dashur të prononcohet. Alarmi ishte dhënë, pasi avioni ishte zhdukur nga radari dhe pas ndërprerjes së komunikimit me bazën.