Rreth 50 mijë mërgimtarë nga Maqedonia Veriore janë regjistruar

Mediat maqedonase shkruajnë se rreth 50 mijë mërgimtarë deri më tani janë vetëregjistruar përmes alikacionit të Entit Shtetëror për Statistika. Drejtues të këtij enti thonë se në periudhën e fundit ka filluar të shënojë rënie interesimi për vetëregjistrim tek diaspora, përcjell albinfo.ch.

Nga Enti, për këtë shkak, thonë se do të fillojnë me fushatë për të motivuar mërgimtarët që ta shfrytëzojnë mundësinë që të regjistrohen përmes ueb-aplikacionit.

Nëse në fillim të procesit, në nivel ditor ishin vetëregjistruar nga 7.000 deri 8.000 mërgimtarë, tashmë shifrat kanë rënë në 2.500 qytetarë. Zyrtarë të ESHS-së presin që intersimi sërish të rritet gjatë Prillit, kur do të fillojë regjistrimi I popullsisë rezidente në Maqedoninë e Veriut. /KlanMacedonia