Shqipëria
Remitencat nga diaspora arrijnë rekord të dekadës së fundit
Vetëm në tremujorin e parë të vitit 2010 kjo shifër ka qenë më e lartë, pranë 170 milionë euro
Remitancat kanë prekur nivelin më të lartë që prej vitit 2010 në tremujorin e parë të këtij viti në Shqipëri.
Të dhënat zyrtare nga Banka e Shqipërisë tregojnë se, të ardhurat nga emigrantët regjistrohen në 168.5 milionë euro gjatë tre muajve të parë të këtij viti.
Vetëm në tremujorin e parë të vitit 2010 kjo shifër ka qenë më e lartë, pranë 170 milionë euro, shkruajnë mediat shqiptare, përcjell albinfo.ch.
Remitancat i kthehen niveleve të para krizës financiare globale për herë të parë në më shumë se një dekadë. Pas krizës financiare që nisi në vitin 2009, niveli i remitancave në Shqipëri ka regjistruar një rënie konstante në vite, duke kulmuar në tremujorin e parë të vitit 2014 me rekordin më të ulët, prej rreth 118 milionë euro. Krahasuar me të njëjtën periudhë të një viti më parë, rritja e remitancave fiksohet në rreth 16 milionë euro, ose me rreth 10.5%.
Kjo është rritja më e madhe vjetore që prej vitit 2015, sinjalizojnë të dhënat zyrtare nga ana e Bankës së Shqipërisë. Rritja e ndjeshme e parave që dërgojnë emigrantët në Shqipëri duket të jetë rrjedhojë e pandemisë, jo vetëm si krizë ekonomike por edhe si krizë shëndetësore, duke qenë se të dhënat i referohen tre muajve të para të vitit, periudhë kur vala pandemike preku kulmin në Shqipëri, me shpenzimet për medikamente që u rritën në mënyrë të ndjeshme nga familjet shqiptare. Gjithashtu, duhet theksuar se, rritja e remitancave është rrjedhojë edhe e “formalizimit” të tyre, si pasojë e pandemisë. Masat parandaluese të shpërndarjes së sars-cov-2, dhe kryesisht pengesat në udhëtimet ndërkombëtare kanë sjellë një rënie të ndjeshme të pranisë të kthimit të emigrantëve për pushime. Kjo gjë ka nxitur një kanalizim më të madh të dërgesave drejt kanaleve zyrtare.
Të ngjashme
Të tjera nga Shqipëria
E-Diaspora
-
Avokati kërkon lirimin e menjëhershëm të shqiptarit të akuzuar për vrasje të dyfishtë Ai mbështetet në rrëfimin e autorit E.B., i cili tashmë është dënuar për këtë rast, një ditë...
-
Mërgimtari humb jetën në vendin e punës, në Maltë
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
-
Mërgimtari nga Suhareka vdes në një aksident tragjik në Itali
Jeta në Austri
-
Bora zbardh Austrinë Austria sot është mbuluar nga bora. Mediat raportojnë se në vendet malore, reshjet kanë qenë më...
-
Austri: Dënohet me 15 vjet burg, kosovari që sulmoi të dashurën me thikë dhe kaçavidë
-
Lumir Abdixhiku para bashkatdhetarëve në Vjenë, kërkon mbështetje për Lukas Mandl
-
LDK-ja në Austri organizon takim në mbështetje të Lukas Mandl, merr pjesë edhe kryetari Lumir Abdixhiku
-
Pas ndalimit në Serbi linjat e autobuseve Austri – Kosovë vazhdojnë rrugëtimin pa pengesa