Lajme
Çmimet e ushqimeve, Shqipëria më e shtrenjta në rajon
Çmimet e ushqimeve në Shqipëri kushtojnë sa 81% e mesatares së Bashkimit Europian.
Të dhënat e fundit e publikuara nga Eurostat tregojnë se Shqipëria ka ushqimet më të shtrenjta në rajon, duke lënë pas Serbinë, Malin e Zi apo Bosnjë e Hercegovinën, shkruan euronews albania, përcjell albinfo.ch.
Më të lirat ushqimet janë në Maqedoni, me 60% të mesatares europiane. Raporti i Eurostat nuk përfshinte asnjë të dhënë për çmimin e ushqimeve në Kosovë.
Të dhënat e publikuara nga Eurostat tregojnë se Shqipëria ka çmimin më të shtrenjtë të mishit në rajon, në nivelin 72% të mesatares europiane.
Vendet fqinje
Kurse dy vendet e tjera fqinje, si Mali i Zi dhe Maqedonia e Veriut, çmimin e mishit e kanë më lirë se Shqipëria, respektivisht në nivelin 61.8% të mesatares së BE-së.
Pavarësisht se Shqipëria është një vend bregdetar, çmimi i peshkut rezulton më i shtrenjtë se në të gjitha vendet e Ballkanit Perëndimor.
Shqipëria nuk kryeson vetëm në këtë pikë, por edhe te prodhimet e bulmetit. Çmimi i qumështit, djathit, por edhe i vezëve është pothuajse sa mesatarja e Bashkimit Europian, tregues ky që dëshmon se Shqipëria prodhimet e bulmetit i ka më të shtrenjtat në rajon.
Çmimi i drithërave
Një ndryshim disi pozitiv shihet tek çmimi i drithërave dhe bukës. Sipas të dhënave, Shqipëria renditet e treta në rajon, pas Malit të Zi dhe Serbisë, ndërsa ndiqet nga Maqedonia e Veriut, e cila këto produkte i ofron më lirë për qytetarët e saj.
Përveçse ka çmime të shtrenjta të ushqimeve, shqiptarët kanë dhe të ardhurat më të ulëta në rajon, çka bënë që ata të kenë dhe peshën më të lartë të shpenzimeve për ushqime, me 44% të totalit, nga 12% që është mesatarja e BE-së dhe rreth 30% për vendet e tjera të rajonit.
Në Europë, më e shtrenjta për ushqimet është Zvicra, me 166% të mesatares europiane, duke lënë pas Norvegjinë, Islandën, Danimarkën dhe Luksemburgun.
Të ngjashme
Të tjera nga Lajme
E-Diaspora
-
Osmani: Shqiptarët e Amerikës, ura më e fuqishme e aleancës Kosovë-SHBA Në kuadër të qëndrimit të saj në Teksas të SHBA-së, presidentja e Kosovës, Vjosa Osmani, ka...
-
Besa Kokëdhima ndez skenën e Eurovision-it në Malmo të Suedisë
-
Klesta Krasniqi zgjedhet këshilltare komunale në Lausanne
-
Shuma që shpenzoi mërgimtari për shtatoren e Skënderbeut në Gjakovë
-
Integrimi: Hapi i parë, si ta thyejmë izolimin
Jeta në Austri
-
Kaleen performoi në skenën e Malmos, duke përfaqësuar Austrinë Një dekadë pasi Conchita Wurst bëri histori dhe fitoi Eurovision Song Contest në emër të Austrisë,...
-
Pse Austria nuk është në NATO?
-
Austri
Vjenë: Kori Siparantum, mahnitës në 200-vjetorin e Simfonisë së Nëntë të Beethovenit
-
80 vjedhje, 560 mijë euro dëm: Arrestohen katër shqiptarë në Austri
-
Austri: Ministri i Brendshëm kërkon dëbimin në Kosovë të kriminelëve nga vendet e treta