Reis Luzhnica nga SP bëhet sërish deputet në Parlamentin e Cyrihut

Parlamentin e qytetit të Cyrihut (asamblenë) do ta “mbulojë” sërish politikani shqiptarozviceran Reis Luzhnica, me rrënjë nga Prishtina.

“Faleminderit për 5’562 votat dhe për besimin për një mandat tjetër katërvjeçar në Asamblenë e Cyrihut.», ka shkruar në rrjetet social Luzhnica, shkruan albinfo.ch.

Qyteti i Cyrihut është një metropol i vërtetë dhe, me rreth 440.000 banorët e tij, dukshëm më i madh në krahasim me qytetet tjera të mëdha në Zvicër.

Siç dihet, në Cyrih dhe rrethinë është përqendruar një komunitet i madh shqiptar, sigurisht, më i madhi në Zvicër .

Marrë parasysh madhësinë e Cyrihut, të jesh i përfaqësuar në parlamentin e këtij qyteti është sigurisht diçka më e veçantë, shkruan albinfo.ch.

Ndryshe, Reis Luzhnica, për herë të tretë bëhet pjesë e Parlamentit të Cyrihut.