Lajme
Reagon imami: “Më kanë dënuar me akuzat e rrejshme të ish-bashkëshortes”
Imami i apostrofuar, Fehim Dragusha, është paraqitur përmes Facebook-ut me një letër, në të cilën sqaron pozicionin e tij. Ai këmbëngul se të gjitha akuzat janë të rrejshme dhe të fabrikuara nga ish-gruaja e tij
Sot në shumë media të Zvicrës është publikuar një artikull i mbështetur mbi vendimin e Gjykatës Federale të Zvicrës, e cila miraton vendimin e shkallës më të ulët të gjyqësisë për dëbimin nga Zvicra të një imami kosovar. Albinfo.ch dhe shumë media në Kosovë e kanë publikuar po ashtu këtë artikull, sipas të cilit imami kosovar do të dëbohet si dënim për ushtrim dhune ndaj ish-bashkëshortes.
Ndërkohë, imami i apostrofuar, Fehim Dragusha, është paraqitur përmes Facebook-ut me një letër, në të cilën sqaron pozicionin e tij. Ai këmbëngul se të gjitha akuzat janë të rrejshme dhe të fabrikuara nga ish-gruaja e tij, një shtetase e Singaporit, shkruan albinfo.ch. Ajo, sipas tij, akuzat i ka bërë pasi që imami është martuar me një grua tjetër, në mënyrë që, gjithnjë sipas imamit, ta dëmtojë atë sa më shumë dhe t`ia prishë imazhin para shtetit.
Imami Dragusha në letrën e tij të gjatë i drejton kritika edhe autoriteteve shtetërore të Zvicrës për atë që ai e quan mungesë vullneti për të gjetur të vërtetën dhe për besim të verbër ndaj akuzave të pabaza të ish bashkëshortes.
Në fund imami Fehim Dragusha thotë se ai vazhdon të qëndrojë në Zvicër dhe të ushtrojë profesionin e imamit, shkruan albinfo.ch. Ndërsa vendimin e Gjykatës Federale do ta atakojë me një ankesë që do ta bëjë në Gjykatën Evropiane për të Drejtat e Njeriut, në Strasburg.
Të tjera nga Lajme
E-Diaspora
-
Itali, shpallen në kërkim 4 shqiptarë për këto arsye Policia shqiptare dhe ajo italiane janë përfshirë gjatë ditës së sotme në një operacion të përbashkët...
-
Nesër është dita e fundit e regjistrimit të diasporës
-
Romë
Një kompani e drejtuar nga shqiptari, shpallet kompania më e suksesshme në Itali
-
Itali
Irma Kurti vlerësohet me “Çmimin e Kulturës” në Itali
-
Pianistja e njohur kosovare, Lule Elezi, mban koncert recital në vendlindjen e Shopenit
Jeta në Austri
-
Qeveria austriake ndan edhe këtë vit bonus: Nga 145 -290 euro për secilin qytetar të saj Bonusi i klimës do të jepet për të gjithë personat që janë banorë të regjistruar në...
-
Si po e bën Austria më të lehtë imigrimin e punonjësve të huaj shëndetësorë?
-
A mund të blejnë të huajt prona në Austri?
-
A mund të marr nënshtetësinë austriake dhe të lëviz menjëherë jashtë vendit?
-
Kandidatja austriake për eurodeputete viziton Zubin Potokun