Lajme
Reagime të ashpra kundër deputetes zvicerane, ka deklaruar se “Rusia u provokua nga NATO”
Ajo është shprehur se ishte "aleanca luftarake NATO" (siç e quan vetë) ajo që e kishte "provokuar aq shumë" Rusinë sa që ndodhi lufta e Ukrainës
Me paraqitjen e saj të djeshme në emisionin Arena të SRF, deputetja nacionale nga Bazeli, Sibel Arslan (Të Gjelbrit), ka shkaktuar një stuhi të vërtetë në internet, transmeton albinfo.ch. Ajo është shprehur se ishte “aleanca luftarake NATO” (siç e quan vetë) ajo që e kishte “provokuar aq shumë” Rusinë sa që ndodhi lufta e Ukrainës.
Në kontekstin e debatit nëse Zvicra duhet të ruajë neutralitetin ose jo, ajo theksoi se Zvicra nuk duhet të lejojë që të futet në këtë konflikt. Mbi të gjitha, Arslan kritikoi NATO-n, të cilën e cilësoi si një “aleancë agresive” dhe një “aleancë lufte”, shkruan 20minuten.ch. Dhe pastaj Arslan tha: “Thjesht, afrimi me NATO-n nga ana e Ukrainës provokoi Rusinë aq shumë sa filloi një luftë atje”.
Pas kësaj ajo është kritikuar ashpër në Twitter. “E turpshme ajo që tha zonja Arslan sot në emisionin Arenë për `provokimin nga Ukraina` të Rusisë”, shkruan një përdorues në Twitter. Një person tjetër e konsideron “të turpshme” deklaratën e Arslanit. “Këtë do ta kujtojë në zgjedhjet e ardhshme”, vijon ajo.
“Kjo, në mënyrë indirekte mund të kuptohet sikur Ukraina është fajtore për luftën”
Deklarata e Arslanit ka shqetësuar edhe politikanët. “Deklaratat e Sibel Arslan ishin sigurisht jashtëzakonisht provokuese”, thotë deputetja nacioanle e FDP-së, Doris Fiala. Nga kjo mund të lexohet pothuajse indirekt se vetë Ukraina është fajtore për shkaktimin e luftës me Rusinë. “Duhet të keni kujdes se si shpreheni. Kështu siç e tha zonja Arslan, sigurisht që është e papranueshme”, thotë Fiala.
Por, sipas zonjës Fala, shprehja e kritikave ndaj NATO-s, siç kishte bërë Arslan, megjithatë, është “tipike” për një anëtar-e të të Gjelbërve. Megjithatë, sulmi rus ndaj Ukrainës nuk mund të justifikohet në asnjë rrethanë”.
Vetë Sibel Arslan publikoi të shtunën në Twitter një sqarim rreth deklaratës së saj, përcjell albinfo.ch. “Një provokim nuk është kurrë një arsye apo justifikim për luftën”, shkruan politikania. Partia e Gjelbër ishte partia e parë zvicerane që dënoi agresionin e Putinit dhe bëri thirrje për “sanksione të menjëhershme dhe efektive”, vazhdon ajo. Por, edhe ky sqarim vazhdon të marrë kritika: ajo ende pretendon se (Rusia) ka qenë e provokuar.
Sibel Arslan është politikane zvicerane me prejardhje kurde, nga Turqia.
Të ngjashme
Të tjera nga Lajme
E-Diaspora
-
Paraqitet si kroat, me pasaportë false – burgoset muratori nga Kosova Prokuroria publike e Schwyz-it dënoi kosovarin për hyrje të paligjshme, qëndrim të paautorizuar dhe punë pa...
-
Ka shantazhuar një të burgosur: 8 muaj shtesë për kosovarin e dënuar me 16.5 vjet burgim
-
Kryediplomati shqiptar, Igli Hasani, takon homologun e tij nga Zvicra, Ignazio Cassis
-
Gjon’s Tears në intervistë për median zvicerane, flet për Kosovën
-
Bizneset nga diaspora vizitojnë “Shtëpinë e Kosovës”
Jeta në Austri
-
Planifikonte sulm në Graz të Austrisë, arrestohet 14-vjeçarja me origjinë nga Mali i Zi Policia austriake raportohet të ketë arrestuar një 14-vjeçare me origjinë nga Mali i Zi nën dyshimet...
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë?
-
Rreth 350 biznese nga diaspora dhe Kosova u mblodhen në Prishtinë
-
Si po e ndryshon motin në Austri ngrohja globale?
-
Lajmet më të fundit të së enjtes në Austri