Lajme
Qeveria zvicerane me tjetër paketë për të ndihmuar bizneset
Parlamenti ka aprovuar një paketë financiare prej më shumë se 57 miliardë CHF (59.1 miliardë dollarë) për të ndihmuar bizneset dhe institucionet që përballen me ndikimin e pandemisë së koronavirusit në Zvicër
Senati dha dritën e gjelbër ditën e martë për kredi për ndërmarrjet e vogla dhe të mesme (40 miliardë CHF), një skemë për kompensimin e punës me kohë të shkurtër (6 miliardë CHF) dhe përfitime për ndërmarrjet e biznesit me një person (5.3 miliardë CHF), si dhe për blerjen e furnizimeve mjekësore, përcjell albinfo.ch.
Paketa përfshin një kërkesë të qeverisë për gati 1,9 miliardë CHF ndihmë për sektorin e aviacionit zviceran, duke përfshirë dy transportuesit Swiss International Airlines dhe Edelweiss, si dhe kompanitë e shërbimit të aviacionit Swissport International, Gategroup dhe SR Technics.
Ndihma për urgjencën u ra dakord edhe për organizatat sportive, institucionet kulturore dhe për turizmin.
Dhoma tjetër parlamentare, Dhoma e Përfaqësuesve, kishte dhënë miratimin e saj në parim të hënën, ditën e parë të një seance të jashtëzakonshme në Bernë, përcjell tutje albinfo.ch.
Të dy dhomat dolën gjithashtu në favor të huave për sektorin mediatik në përpjekje për të ndihmuar gazetat dhe transmetuesit që të përballen me krizën.
Propozimet, veçanërisht nga Partia e Zvicrës e krahut të djathtë për të ulur shpenzimet për organizatat kulturore, u hodhën poshtë, përcjell tutje albinfo.ch.
Ministri i Financave, Ueli Maurer paralajmëroi në mënyrë të përsëritur kundër shtrirjes së paketës së lehtësimit financiar në sektorë shtesë. Ai ka parashikuar një deficit buxheti deri në 50 miliardë CHF këtë vit.
Në total, rreth 66 miliardë CHF janë caktuar për të rikthyer ekonominë zvicerane në këmbë, sipas Administratës Federale të Financave, përcjell tutje albinfo.ch.
Të ngjashme
Të tjera nga Lajme
E-Diaspora
-
Platforma“Made in Kosova” promovon potencialin ekonomik, kulturor e turistik Në ambientet e TechPark Prishtina, sot u përuruan këndi dhe platforma më e re “Made in...
-
Prime Travel, partneri juaj i udhëtimeve
-
A mendoni se vetëm 400 mijë shqiptarë janë në diasporë?
-
Presidentja Osmani: Regjistrohuni, mërgimtarë!
-
Shqiptarja Mira Murati prezanton modelin e përditësuar të ChatGPT
Jeta në Austri
-
Si po e bën Austria më të lehtë imigrimin e punonjësve të huaj shëndetësorë? Plakja e popullsisë së Austrisë dhe mungesa e punonjësve të kujdesit shëndetësor janë ndër sfidat kryesore...
-
A mund të blejnë të huajt prona në Austri?
-
A mund të marr nënshtetësinë austriake dhe të lëviz menjëherë jashtë vendit?
-
Kandidatja austriake për eurodeputete viziton Zubin Potokun
-
Kandidati për eurodeputet, Lukas Mandl vizitoi meshën shqipe në Vjenë