Lajme
Qeveria do të paguajë hotelin për emigrantët që futen në Shqipëri
Është bërë e ditur se nga tani e tutje, problemi i emigrantëve, të cilët hyjnë në vend dhe u duhet të kryejnë një karantinë të detyruar 14 ditore në një prej hoteleve të përcaktuara për këtë qëllim, ka marrë zgjidhje.
Së fundmi, qeveria ka vendosur se do të marrë përsipër pagesat e akomodimit për të gjithë këta shtetas, ndërsa këtyre të fundit do t’u duhet të paguajnë vetëm pagesën prej 800 lekësh në ditë për ushqimin nëse do të zgjedhin të hanë në këto hotele.
Prefekti i qarkut të Korçës, Dhori Spirollari, i kontaktuar, tha se është në proces lidhja e kontratave me 4 hotele që ndodhen në qarkun e Korçës, ku akomodohen emigrantët për 14 ditë. 3 hotele janë në Korçë dhe një në Pogradec, pasi hoteli i pestë që ndodhej në qytetin liqenor është zbrazur nga emigrantët dhe është mbyllur.
Ndërkohë gjatë 24 orëve të fundit kanë ardhur në vendin tonë përmes pikës së kalimit kufitar të Kapshticës 55 emigrantë, një shifër kjo mjaft e lartë krahasuar me trendin e ditëve të kaluara.
Të gjithë ata të cilët kanë qenë me banim në zonat e shpallur të gjelbra janë karantinuar në hotele, ndërsa ata me banim në Bashkinë e Korçës, që është e vetmja bashki e kuqe në qarkun juglindor, janë dërguar në banesat e tyre për të kryer karantinën e detyruar prej 14 ditësh, si një masë parandaluese kundër përhapjes së koronavirusit.
Spirollari gjithashtu ka bërë të ditur se deri ditën e sotme 270 emigrantë në total kanë përfunduar karantinën 14 ditore në hotele, duke u larguar në banesat e tyre, ndërsa 269 të tjerë vijojnë të qëndrojnë në 4 hotelet në qarkun e Korçës.
Para vendimit të qeverisë për pagesat e akomodimit për emigrantët, gjatë dy muajve të kaluar ata i kanë mbuluar vetë të gjitha shpenzimet, e madje herë pas here janë hedhur në protesta duke kërkuar ndihmë, pasi nuk kishin të ardhura të mjaftueshme për të paguar të gjitha shpenzimet.
Prej fillimit të pandemisë e deri më sot asnjë prej emigrantëve nuk ka rezultuar pozitiv covid-19, pas testeve të kryera për një pjesë të tyre, të cilët kanë pasur disa simptoma të ngjashme me virusin e rrezikshëm. /Albinfo.ch
Të ngjashme
Të tjera nga Lajme
E-Diaspora
-
Filmi “The Land within”, lufta në Kosovë, e vështruar nga një kënd tjetër Në "Kino Kosova" është shfaqur edhe filmi "The Land within", i regjisorit shqiptaro-zviceran Fisnik Maxville (Maxhuni),...
-
Robin Krasniqi fiton me pikë ndaj portugezit Jorge Silva
-
Sot shfaqet në Cyrih filmi “The Land within”, i regjisorit Fisnik Maxville
-
“Kino Kosova”: Një realitet filmik i shikuar nga perspektiva femërore
-
Krasniqi sonte rikthehet në ring, përballet me boksierin portugez
Jeta në Austri
-
Çfarë më lejohet të bëj në ballkonin tim në Austri? Gjatë muajve të verës, mund të duket se çdo austriak jeton ekskluzivisht në ballkonet e tij...
-
Një përmbledhje e lajmeve më të fundit në Austri
-
A mund të paguani taksat tuaja austriake duke përdorur një llogari bankare të huaj?
-
Pse Austria renditet kaq keq në indeksin për lirinë e shtypit?
-
Nomadët digjitalë: Kush mund të punojë në distancë në Austri?