Qeveria do të kërkojë uljen e tarifës për rrugën e kombit

Qeveria është informuar për përgatitjet që janë kryer deri tani për mbajtjen e mbledhjes së përbashkët me qeverinë e Shqipërisë që do të zhvillohet me 26 nëntor në Pejë.

Zëvendëskryeministri Fatmir Limaj ka njoftuar për përgatitjet e bëra deri tani në identifikimin e temave dhe të marrëveshjeve të mundshme që do të mund të nënshkruheshin gjatë këtij takimi të përbashkët. Limaj ka thënë se në takimin me përfaqësues të qeverisë shqiptarë, ai në emër të Qeverisë së Kosovës, ka paraqitur shqetësimin që taksa është e lartë dhe duhet gjetur mënyra për të zvogëluar, e cila do të ishte në dobi të dy vendeve.