Lajme
Kalon rreziku: Qendra Federale e Azilit në Bernë heq masat kundër difterisë
Një javë më parë, në këtë qendër ishte diagnostikuar difteria e faringut tek tetë persona. Si rezultat, 175 persona qenë detyruar të futeshin në karantinë
Në Qendrën Federale të Azilit në Bernë janë hequr masat e marra për shkak të shpërthimit të difterisë.
Personat që rezultuan pozitivë janë ende në izolim, por nuk ekziston më rreziku i përhapjes së difterisë, thonë në Departamentin e Shëndetësisë në Bernë, transmeton albinfo.ch.
Një javë më parë, në Qendrën Federale të Azilit u diagnostikua difteria e faringut tek tetë persona. Si rezultat, 175 persona qenë detyruar të futeshin në karantinë.
Siç njoftoi Drejtoria e Shëndetësisë, Sociale dhe Integrimit të Bernës, tashmë është hequr detyrimi për të mbajtur maskë në qendër. Gjithashtu nuk ka më kufizime për dalje.
Karantina në dy katet e prekura ishte hequr tashmë të premten, shkruan srf.ch. Personat që kishin rezultuar pozitivë për difterinë janë ende në izolim. Nga pikëpamja e shërbimit mjekësor të kantonit, megjithatë, nuk ka më asnjë rrezik për një shpërthim të pakontrolluar.
Difteria është zhdukur praktikisht në Zvicër
Disa raste të difterisë qenë diagnostikuar në spitalin e vjetër Ziegler të Bernës të martën dhe të mërkurën e javës së kaluar. Për pasojë, dy kate me gjithsej 175 persona qenë vendosur në karantinë. Banorët e tjerë të qendrës janë vaksinuar kundër difterisë me pëlqimin e tyre.
Sipas Zyrës Federale të Shëndetit Publik (BAG), nuk ka asnjë rrezik për popullatën. Kjo për shkak se shkalla e vaksinimit kundër difterisë është shumë e lartë. Ashtu si në vendet e tjera të industrializuara, difteria praktikisht është zhdukur në Zvicër. Sipas BAG, rasti i fundit i difterisë së faringut në Zvicër ishte regjistruar në vitin 1983.
Të ngjashme
Të tjera nga Lajme
E-Diaspora
-
Tifozët Kuq e Zi protestojnë para FSHF-së, kundërshtojnë organizimin e përbashkët Shqipëri-Serbi Tifozat Kuq e Zi kanë protestuar mëngjesin e kësaj të hëne para zyrave të Federatës Shqiptare...
-
Puna në qiell të jep ndjenjën e paqes
-
Hapet në Toronto Java e Kulturës së Kosovës
-
Cyrih: Zhvillohet seminari “Institucionalizimi i mësimit plotësues të gjuhës shqipe në diasporë – Zvicër”
-
Paraqitet si kroat, me pasaportë false – burgoset muratori nga Kosova
Jeta në Austri
-
A do të kufizojë Hallstatt i Austrisë turizmin këtë sezon? Një nga fshatrat më të bukur dhe më të mbushur me njerëz të Austrisë po kërkon...
-
Planifikonte sulm në Graz të Austrisë, arrestohet 14-vjeçarja me origjinë nga Mali i Zi
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë?
-
Rreth 350 biznese nga diaspora dhe Kosova u mblodhen në Prishtinë
-
Si po e ndryshon motin në Austri ngrohja globale?