Lifestyle
Pse filmi për të drejtat e homoseksualëve “Martesa”, ka shokuar edhe vetë realizuesen e tij
Blerta Zeqiri, skenaristja dhe regjisorja e filmit ‘Martesa‘, ka folur për revistën “TheWrap”. Ajo ka thënë se duhej të ishte e kujdesshme për të bërë një film mbi tolerancën në një shoqëri intolerante, mirëpo reagimi për filmin doli të jetë jashtë pritshmërive të saj.
“Martesa”, një film i cili flet për një trekëndësh dashurie mes një çifti në prag martese dhe rikthimi i të dashurit homoseksual të dhëndrit në Kosovë, i cili nxit ndjenjat e vjetra.
Filmi është hyrja e Kosovës këtë vit në garën e çmimeve Oscar për filmin më të mirë në gjuhët e huaja.
Në intervistën e dhënë për “The Wrap”, Zeqiri ka thënë se i janë nevojitur shumë vjet për të shkruar skenarin e filmit, gjithashtu ajo ka thënë se ka qenë dëshira e saj të bëjë filmin me improvizime, por askush nuk u ka dhënë para për këtë.
Sipas Zeqirit, filmi është bërë mbi arsyen se të gjithë kanë të drejtë të duan dhe se e gjithë ideja kishte nisur kur një shoqe e regjisores kishte kuptuar se bashkëshorti i saj ishte homoseksual.
Ajo gjithashtu ka bërë të ditur se duhej të ishin shumë të kujdesshëm gjatë kohës së realizimit, si dhe pothuajse deri në promovimin e parë të filmit është mbajtur e fshehtë përmbajtja e tij. Gjithashtu Blerta u është shumë mirënjohëse aktorëve, sepse ata po sakrifikonin shumë, për faktin se ky film është realizuar në Kosovë.
Ajo ka thënë se pas lansimit, kanë qenë të përgatitur nëse dikush i kërcënon, mirëpo asnjëra nga këto nuk ka ndodhur. Filmi ka marrë komente shumë të mira dhe është pëlqyer edhe nga njerëz që nuk i përkrahin të drejtat e homoseksualëve.
Të ngjashme
Të tjera nga Lifestyle
E-Diaspora
-
Bizneset nga diaspora vizitojnë “Shtëpinë e Kosovës” Pas eventit të mbajtur dje në Prishtinë ku u bashkuan rreth 350 biznese nga diaspora dhe...
-
Shqiptari diplomon në Columbia University në Nju Jork
-
Bernë: Promovohet libri “Gazmend Zajmi – Një jetë për Kosovën” me autor Nuhi Bytyçi
-
Tenori Ramë Lahaj në Toronto, me rastin e 25-vjetorit të ardhjes së refugjatëve nga Kosova në Kanada
-
Regjistrimi i popullsisë: Diaspora mund të regjistrohet online deri më 31 gusht
Jeta në Austri
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë? Jo vetëm ata që kanë lindur me pasaportë austriake duhet të kryejnë shërbimin ushtarak. Nëse jeni...
-
Rreth 350 biznese nga diaspora dhe Kosova u mblodhen në Prishtinë
-
Si po e ndryshon motin në Austri ngrohja globale?
-
Lajmet më të fundit të së enjtes në Austri
-
Qeveria austriake ndan edhe këtë vit bonus: Nga 145 -290 euro për secilin qytetar të saj