Pronari i restorantit kërcënon klientët me thikë, kërkohet nga policia

Episodi i pakëndshëm kësaj radhe ndodhi në Sarandë

Turizmi shqiptar është cenuar sërish nga një rast që sjell në mendje rastin e para disa vitesh të Mihal Kokëdhimës. Episodi i pakëndshëm kësaj radhe ndodhi në Sarandë, raporton Albinfo.ch.

Shtetasi 48-vjeçar, pronar i një restoranti të qytetit bregdetar, sipas policisë, ka kanosur me thikë disa klientë dhe tani ai është kërkim.

Ngjarja ka ndodhur në lagjen nr.1, për arsyeje që cilësohen si banale.

Shtetasi në kërkim është identifikuar si Alban Çobaj, ndërkohë që ende nuk dihen saktësisht motivet që kanë çuar në një akt që kujton atë të para 3 vjetëve, kur Mihal Kokëdhima, pronari i një restoranti në Porto Palermo, u konfliktua me një grup turistësh spanjollë, në një ngjarje që mori jehonë edhe përtej vendit.

Materialet i kaluan Prokurorisë, për veprime të mëtejshme./Albinfo.ch

---