Prodhuesi zviceran i çokollatës nuk do të reklamojë më produktet e saj në programet televizive

Foto: KEYSTONE/Walter Bieri

Lindt & Sprüngli, një nga prodhuesit kryesorë të çokollatës në Zvicër, njoftoi se nuk do të reklamojë më produktet e saj në programet televizive ose në botime që synojnë fëmijët nën moshën 16 vjeç, përcjell albinfo.ch.

“Ne krenohemi me prodhimin e çokollatës me cilësi të lartë, por vizioni ynë nuk është vetëm të prodhojmë artikujt më të mirë, por gjithashtu të përputhemi me standardet tona të cilësisë së lartë me standarde po aq të larta etike në çdo aspekt të biznesit tonë”, tha kompania me bazë në Cyrih të martën.

Prandaj, Lindt & Sprüngli “nuk do të reklamojë produktet e saj në media në të cilat të paktën 35 për qind e audiencës përbëhet nga fëmijë nën moshën 16 vjeç dhe nuk do të kryejë asnjë komunikim të lidhur me çokollatën në shkollat fillore dhe të mesme”, shtoi kompania.