Prezantohet teknologjia elektronike për dokumentet biometrike

Ambasada e Shqipërisë në Vjenë ka publikuar një njoftim lidhur me aplikimin e dokumenteve biometrike në formë elektronike, transmeton albinfo.ch.

Posimi i plotë:

Në saje të bashkëpunimit të frutshëm të autoriteteve shqiptare, përkatësisht Ministria për Evropën dhe Punët e Jashtme, me firmën IDEMIA-Aleat, duke filluar nga dita e sotme, aplikimet për dokumente biometrikë do të nënshkruhen në mënyrë elektronike.

Ky është një hap domethënës përpara dejt dhënies së shërbimeve më të mira, më me cilësi e më shpejt, dhe para së gjithash më të sigurt për shtetasit shqiptarë që aplikojnë për shërbime pranë Ambasadës Vjenë.

Kompania kreu në kohë rekord aspektin teknik të këtij aplikimi, ndërkohë që qeveria shqiptare hartoi dhe miratoi në kohë rekord kuadrin e duhur ligjor për të mundësuar ofrimin e këtij shërbimi.

Falënderime firmës IDEMIA-Aleat për kujdesin e tregur, duke mundësuar pajisjen e Zyrës Konsullore me dy ekrane mbrojtës për punonjësit që janë më të ekspozuar, si dhe Zj. Erjona Nano dhe Z. Bledi Aliçkolli  për ndihmën dhe bashkëpunimin e frutshëm me Konsullen Artjola Ganellari dhe Z. Orjon Beci.