Kosova
Presidenti i Parlamentit Evropian bën thirrje për anëtarësim të Ballkanit në BE
Sa shpejt mund të ndodhë anëtarësimi i shteteve të Ballkanit në BE, sipas Sassolit, varet nga përmbushja e kritereve për anëtarësim
Presidenti i Parlamentit Evropian, David Sassoli, ka bërë thirrje që shtetet e Ballkanit Perëndimor të lejohen të anëtarësohen në Bashkimin Evropian, duke thënë se zgjerimi i bllokut do të ishte pozitiv për paqen dhe prosperitetin.
“Zgjerimi mund të sjellë përfitime të mëdha edhe për rajonin dhe Evropën, duke ndihmuar në stabilitetin, prosperitetin dhe paqen në kontinent”, ka tënë Sassoli, raportoi gazeta gjermane, Funke Mediengruppe.
Por, sa shpejt mund të ndodhë anëtarësimi i shteteve të Ballkanit në BE, sipas Sassolit, varet nga përmbushja e kritereve për anëtarësim.
“Në secilin prej këtyre shteteve ende ka nevojë që të përmbushen reformat”, tha Sassoli, duke shtuar se BE-ja duhet të mbajë premtimet e dhëna dhe të njohë përparimin e këtyre shteteve.
BE-ja tashmë është duke zhvilluar bisedime për anëtarësim me Malin e Zi dhe Serbinë, ndërkaq Shqipëria dhe Maqedonia e Veriut janë zyrtarisht shtete kandidate për anëtarësim. Muajin e kaluar, Maqedonia e Veriut mori mbështetje për nisjen e bisedimeve me BE-në nga Austria, Republika Çeke dhe Sllovenia.
Deri më tani, Kosova dhe Bosnjë e Hercegovina konsiderohen si kandidate potenciale për nisjen e bisedimeve.
Procesi i zgjerimit të BE-së po përballet me sfida të mëdha, përfshirë edhe disa ndarje etnike në shtetet e Ballkanit Perëndimor. Në BE kërkohet votë unanime që të miratohet korniza negociuese për një shtet që aspiron të anëtarësohet në bllokun evropian, transmeton Rel, përcjell Albinfo.ch.
Vitin e kaluar Bullgaria vendosi veto ndaj nisjes së bisedimeve për anëtarësimin e Maqedonisë së Veriut, për shkak të mosmarrëveshjeve mes Sofjes dhe Shkupit për gjuhën dhe historinë.
Bullgaria dëshiron që Shkupi ta pranojë se identiteti dhe gjuha kanë rrënjë bullgare dhe muajin e kaluar tha se nuk e ka në plan që ta heqë veton për nisjen e bisedimeve me Maqedoninë e Veriut.
E-Diaspora
-
Bizneset nga diaspora vizitojnë “Shtëpinë e Kosovës” Pas eventit të mbajtur dje në Prishtinë ku u bashkuan rreth 350 biznese nga diaspora dhe...
-
Shqiptari diplomon në Columbia University në Nju Jork
-
Bernë: Promovohet libri “Gazmend Zajmi – Një jetë për Kosovën” me autor Nuhi Bytyçi
-
Tenori Ramë Lahaj në Toronto, me rastin e 25-vjetorit të ardhjes së refugjatëve nga Kosova në Kanada
-
Regjistrimi i popullsisë: Diaspora mund të regjistrohet online deri më 31 gusht
Jeta në Austri
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë? Jo vetëm ata që kanë lindur me pasaportë austriake duhet të kryejnë shërbimin ushtarak. Nëse jeni...
-
Rreth 350 biznese nga diaspora dhe Kosova u mblodhen në Prishtinë
-
Si po e ndryshon motin në Austri ngrohja globale?
-
Lajmet më të fundit të së enjtes në Austri
-
Qeveria austriake ndan edhe këtë vit bonus: Nga 145 -290 euro për secilin qytetar të saj