Presidenti amerikan përjashton telefonat dhe kompjuterët nga tarifat e reja

Keystone EPA/JIM LO SCALZO / POOL

Administrata e presidentit të Shteteve të Bashkuara të Amerikës, Donald Trump, ka vendosur t’i përjashtojë telefonat dhe kompjuterët nga tarifat, përfshirë ato reciproke, më të ashprat të vendosura ndaj importeve kineze.

Autoritetet doganore kanë njoftuar se pajisjet elektronike janë në mesin e atyre që do të përjashtohen nga tarifat e vendosura ndaj të gjithë partnerëve tregtarë, përfshirë Kinën, e cila përballet me tarifë prej 145 për qind, transmeton albinfo.ch.

Tarifat do të kishin ndikim të madh në gjigantët teknologjikë si “Apple”, që i prodhon telefonat “iPhone” dhe produktet e tjera digjitale – 90 për qind e prodhimit të të cilave bazohet në Kinë.