Premiera e filmit zviceran-shqiptar

Më 21 prill në kinemanë «Stüssihof» në qytetin e vjetër të Cyrihut jepet premiera e filmit zviceran-shqiptar “De l`autre cote de la mer” (Në anën tjetër të detit). Në këtë film rolet kryesore i luajnë: Carlo Brand, Kristina Ago, Tinka Kurti dhe Bruno Shllaku.

Premiera fillon në orën 20.

Subjekti i këtij filmi lidhet me një fotograf lufte i cili largohet nga njerëzit dhe fotografon vetëm pemët, drunjtë. Një vajzë e Shqipërisë ik nga gjakmarrja në të cilën ishte përfshirë familja e saj. Ajo shkon në anën tjetër të detit, në Itali për një të ardhme më të mirë…

Ky film është një shëtitje nëpër gërmadhat e Shqipërisë, në kërkim të çlirimit, një film real dhe përrallor njëkohësisht.