Polonia rihap kufijtë me fqinjët e BE-së

(KEYSTONE/Gaetan Bally)

Pas gati tre muajsh, Polonia ka rihapur sot kufijtë e saj për të gjitha vendet fqinje, anëtare të Bashkimit Europian.

Pas relaksimit të kontrolleve në kufirin me Lituaninë të premten, rihapja e kufijve për në Gjermani, Republikën Çeke dhe Sllovaki hyri në fuqi në mesnatë (2200 GMT).

Kërkesat për hyrje nga vendet joanëtare të BE-së gjithashtu janë lehtësuar, ndërsa kontrollet në kufijtë me Ukrainën, Bjellorusinë dhe zonën ekskluzive ruse të Kaliningradit mbeten, raporton ATSH.

Në mes të marsit, qeveria e Polonisë mbylli hyrjen për të huajt nga brenda BE-së. Përjashtim ishin për ata që kishin vendbanim të përhershëm, shofer kamionësh dhe diplomatë.

Qytetarët polakë që u kthyen nga jashtë u duhej të kalonin 14 ditë në karantinë.

Fluturimet për në destinacionet e BE-së planifikohen të rifillojnë më 16 qershor.