Kosova
Politikani zviceran për rrëzimin e Kurtit: “Kjo është një ditë e zezë për Kosovën”
"Sot është një ditë e zezë për Kosovën. Elita e vjetër, e korruptuar, ka keqpërdorur krizën me koronavirusin për t`u kthyer në pushtet..."
Politikani i njohur zviceran, Cedric Wermuth, deputet në Parlamentin e Zvicrës, mik i dëshmuar i shqiptarëve dhe bashkëkryetar i Grupit Parlamentar Zvicër-Kosovë, ka bërë një reagim pas rrëzimit të Qeverisë Kurti. Ai e ka quajtur “Ditë të zezë”, ditën kur është votuar mosbesimi për këtë qeveri në Parlamentin e Kosovës, shkruan albinfo.ch.
Të kujtojmë, Wermuth ishte iniciator i letrës të cilën 6 deputetë të Parlamentit të Zvicrës e shkruan ditë më parë kundër mocionit për rrëzimin e Qeverisë Kurti, shkruan albinfo.ch.
Në vazhdim, teksti i reagimit më të ri të politikanit zviceran
“Sot është një ditë e zezë për Kosovën. Elita e vjetër, e korruptuar, ka keqpërdorur krizën me koronavirusin për t`u kthyer në pushtet. Europa, mjerisht ka bërë sehir tepër gjatë. Por elita e vjetër ka bërë gabimisht llogaritë e veta. Për një flirt të shkurtër me qeverinë e djathtë të Trump-it, ajo ka tradhtuar ngritjen demokratike në vend. Ndërsa Trump do ta lërë të bjerë atë si një patate të nxehtë, sapo ta shohë të nevojshme një gjë të tillë. Unë jam i zhgënjyer dhe i zemëruar nga sjellja e Thaçit dhe e gardës së vjetër të LDK-së”, transmeton albinfo.ch fjalët e deputetit zviceran. “Ata i kanë vendosur interesat e tyre afatshkurtra pushtetore mbi interesat e njerëzve në Kosovë. Njerëzit nuk do ta harrojnë këtë tradhti. Dhe ne do t`ju mbështesim në këtë drejtim, që Kosovën ta sjellim sërish në rrugën e lirisë dhe demokracisë, në vend të asaj të korrupsionit dhe sundimit të klaneve.
Kjo duhet të ndodhë në një afat të shkurtër. Zvicra duhet të rimendojë nëse dhe si do të bashkëpunojë me pushtetmbajtësit e vjetër-të rinj”, përfundon reagimi i Cedric Wermuth, shkruan albinfo.ch.
Të tjera nga Kosova
E-Diaspora
-
Osmani: Shqiptarët e Amerikës, ura më e fuqishme e aleancës Kosovë-SHBA Në kuadër të qëndrimit të saj në Teksas të SHBA-së, presidentja e Kosovës, Vjosa Osmani, ka...
-
Besa Kokëdhima ndez skenën e Eurovision-it në Malmo të Suedisë
-
Klesta Krasniqi zgjedhet këshilltare komunale në Lausanne
-
Shuma që shpenzoi mërgimtari për shtatoren e Skënderbeut në Gjakovë
-
Integrimi: Hapi i parë, si ta thyejmë izolimin
Jeta në Austri
-
Kaleen performoi në skenën e Malmos, duke përfaqësuar Austrinë Një dekadë pasi Conchita Wurst bëri histori dhe fitoi Eurovision Song Contest në emër të Austrisë,...
-
Pse Austria nuk është në NATO?
-
Austri
Vjenë: Kori Siparantum, mahnitës në 200-vjetorin e Simfonisë së Nëntë të Beethovenit
-
80 vjedhje, 560 mijë euro dëm: Arrestohen katër shqiptarë në Austri
-
Austri: Ministri i Brendshëm kërkon dëbimin në Kosovë të kriminelëve nga vendet e treta