Bota

Policia përdor gaz lotsjellës në pretestat në Paris (VIDEO)

E shtunë, 8 Dhjetor 2018 - 14:30 albinfo.ch
KEYSTONE/AP Photo/Michel Euler

Policia është përleshur me grupin e protestuesve të njohur si “xhaketat e verdha”, në Paris të Francës, në protestën e re anti-qeveritare.

Policia raportohet se ka përdorur gaz lotsjellës ndaj protestuesve në Paris, të cilët po marshonin drejt pallatit presidencial.

Autoritetet deri më tani kanë arrestuar 340 persona dhe kanë rritur masat e sigurisë, shkruan REL, përcjell Albinfo.ch.

Rreth 89 mijë policë janë vendosur në mbarë vendin, për të parandaluar dhunën që ndodhin fundjavën e kaluar, ku 130 persona u lënduan gjatë protestave të dhunshme në Paris.

Qeveria e presidentit Emmanuel Macron ka paralajmëruar se protestat e reja të “xhaketave të verdha” në Paris sot, do të keqpërdoren nga turmat e “radikale dhe rebele”.

Protestat, që tashmë kanë hyrë në javën e tretë, kanë nisur pas vendimit të presidentit Macron, se do të rrisë taksat për karburante. Megjithatë, më 5 dhjetor, Macron ka njoftuar se ky vendim do të shfuqizohet.

Por, ky vendim i Macronit nuk i ka kënaqur protestuesit, të cilët kanë rritur kërkesat e tyre, përfshirë edhe uljen e taksave të tjera dhe rritjen e pagave.

https://twitter.com/oneforsorrow87/status/1071369410785542144

Më shumë info nga PARISI

 

 Të ngjashme

Vjenë: Droni “kap” 5 shqiptarë që po punonin në të zezë

 Të tjera nga Bota

Gjermani: Vdes dyvjeçari pasi ra nga dritarja e katit të katërt të banesës

 E-Diaspora

 Jeta në Austri