Lajme
Policia gjermane arreston kosovarin për vrasjen e dyfishtë të kryer në vitin 1998
Prokuroria publike e Duisburgut kishte lëshuar urdhër arresti për vrasje nga pakujdesia, për personin i cili qe dënuar me 14 vjet burg në korrik të vitit 1998
Të hënën në mbrëmje, më 5 shkurt, Policia Federale ka arrestuar një kosovar 65-vjeçar gjatë kontrollit të hyrjes së të huajve në Gjermani, në aeroportin e Dyseldorfit, transmeton albinfo.ch. Ai kishte ardhur me aeroplan nga Prishtina (Kosova) dhe ishte në kërkim nga policia gjermane.
Pothuajse 17 vjet më parë, zyra e prokurorit publik të Duisburgut kishte lëshuar një urdhër arresti kundër tij për vrasje nga pakujdesia për personin, i cili qe dënuar me 14 vjet burgim në korrik të vitit 1998, shkruan agjencia gjermane e lajmeve, DPA.
Ai kishte vrarë dy persona, bashkatdhetarë të tij dhe kishte plagosur tre të tjerë, në një klub shqiptarësh në Gjermani.
Që kur ai ishte deportuar nga Gjermania në Kosovë në vitin 2007, atij i kishte mbetur pjesa e dënimit me burg prej më shumë se katër vjet e gjysmë, përcjell albinfo.ch. Vendimi për deportim ishte bërë sipas ligjit të vlefshëm të Kodit penal gjerman, pasi ai kishte vuajtur mbi dy të tretat e dënimit të shqiptuar.
Në vendimin për deportim shkruante se ai do të arrestohej për të mbajtur pjesën e mbetur të dënimit, në momentin që do të hynte në Gjermani.
Kështu, pas aktivizimit të fletarrestit nga policia federale, personi me banim në Kosovë u është dorëzuar organeve të drejtësisë.
E-Diaspora
-
RTS: “Toka Brenda Meje” e Fisnik Maxville-it trajton traumën e Kosovës Filmi i parë artistik i Fisnik Maxville, “The Land Within”, tregon historinë e një kosovari të...
-
Filmi “The Land within”, lufta në Kosovë, e vështruar nga një kënd tjetër
-
Robin Krasniqi fiton me pikë ndaj portugezit Jorge Silva
-
Sot shfaqet në Cyrih filmi “The Land within”, i regjisorit Fisnik Maxville
-
“Kino Kosova”: Një realitet filmik i shikuar nga perspektiva femërore
Jeta në Austri
-
Cila është vaksina e rriqrave në Austri dhe a duhet ta merrni atë? Me rritjen e temperaturave dhe fillimin e sezonit të rriqrave, cila është vaksina e Austrisë ndaj...
-
Si të mos ‘përplaseni’ nga një tren austriak i mbipopulluar?
-
Çfarë më lejohet të bëj në ballkonin tim në Austri?
-
Një përmbledhje e lajmeve më të fundit në Austri
-
A mund të paguani taksat tuaja austriake duke përdorur një llogari bankare të huaj?