Policia e Kosovës me apel për bashkatdhetarët

Policia e Kosovës i ka uruar bashkatdhetarëve mirëseardhje për rikthimin në vend dhe u ka bërë thirrje që të respektojnë rregullat e trafikut për sigurinë e tyre dhe të familjeve.

Përmes një postimi në rrjetin social “Facebook”, Policia e Kosovës ka njoftuar se përveç mirëseardhjes, do të kujdeset edhe për mbrojtjen e tyre, transmeton albinfo.ch.

“Bashkatdhetarë të dashur, mirë se erdhët në vendin tuaj! Për sigurinë tuaj dhe të familjes suaj, respektoni rregullat në trafik! Shpejtësia, rripi i sigurisë, telefoni – gjithçka ka rëndësi. Jemi këtu për t’ju mirëpritur dhe mbrojtur! Lexoni risitë e ligjit të ri dhe ndihmoni që rrugët tona të jenë më të sigurta për të gjithë”, thuhet në njoftim.