Lajme
Poeti Besim Xhelili sjell dy tituj të rinj në gjermanisht me lirika dashurie
Viti i ri 2021 fillon mbarë për shkrimtarin shqiptar nga Austria, Besim Xhelili. Sapo kanë dalë nga botimi në gjuhën gjermane dy titujt e tij të fundit me lirika dashurie. Këto dy vëllime me poezi u botuan në gjuhën shqipe në vitin 2019.
Edhe pse kriza e pandemisë ka bllokuar tash mëse një vit e tepër gjithë poret e jetës, ku arti e kultura vuajnë në masë të madhe, kulturëbërësit po mundohen të mbijetojnë, të vazhdojnë krijimtarinë, të organizohen sipas rrethanave të krijuara, të mbajnë takime kulturore e letrare nga larg, përmes internetit dhe platformave të ndryshme.
Poeti shqiptar nga Tetova, i cili jeton në Vjenë të Austrisë, sjell para lexuesve gjermanëfolës dy titujt e tij të fundit me poezi, vëllimin e tetë me radhë “Fragmente të një zemre të dalldisur…! (ISBN 9783752641523) dhe i nënti “Vragë malli” (ISBN 9783752611731). Të dy këto vëllime u botuan në shqip në vitin 2019.
Recensent i të dy vëllime është kritiku i mirënjohur shqiptar, Prend Buzhala, për redaktimin u kujdesën Hasan Qyqalla dhe Ejup Ajdini, kurse kritkën letrare e ka bërë Migena Arllati. Përkthimin në gjermanisht e realizoi albanologu i njohur austriak Kurt Gostentschnigg, kurse pikturat e kopertinave janë vepër e piktores dhe artistes Saranda Kika-Bahtiri nga Mitrovica. Autori falënderon stafin punues në libra, të cilët gjithmonë i qëndrojnë pranë me mbështetjen e tyre.
Këto dy vëllime gjenden gjithandej në libraritë dhe bibliotekat, si dhe në platformat e shitjeve të librave në internet. Në linkun e mëposhtëm mund të gjehen librat direkt tek botuesi:
https://www.bod.de/buchshop/catalogsearch/result/?q=besim+xhelili
Në vijim sjellim një cikël me lirika nga këto dy libra:
DY SY
Dy sytë e tu t’bukur, aq të përsosur
O sa janë të thellë dhe frymëzues
Por, një poet seç e kanë brengosur
Me atë shikim t’egër e pushtues…
SONATË
O këta sytë e tu një sonatë e përkryer
Brenda tyre një çerdhe e pavdekësisë,
E sikur rrugën me zili më kanë rrëmbyer
Disa valë të brishta brenda melodisë…
MELODI ME TINGUJ T’FIKUR
O melodi e qëndisur me tinguj t’fikur
Vjeshta sapo mbaroi e më s’u pamë,
Një lule n’mes vargjeve seç ka zbritur
Po pret t’pathënat që kurrë s’i thamë…
DIHATJE
Buzën pika t’verës po ta prekin
N’ato çaste hareje dhe kënaqësie
Timen ngrica akujsh seç e stepin
Nga dihatje t’lodhshme dashurie…
SI KAHERA
N’ballkon po qave sonte si kahera
Yjet po i pyete nëse jam gjallë e lotoj,
Do t’thonë se gjithmonë e gjithhera
Aty n’zemër t’kam e dot s’të lëshoj…
Të tjera nga Lajme
E-Diaspora
-
Nju-Jork: Artisti Petrit Halilaj, në majë të Muzeut Metropolitan Artisit shqiptar, Petrit Halilaj, është tani një artist konceptual, skulpturat, vizatimet, instalimet dhe performancat joshëse dhe...
-
Marigona Qerkezi do të debutojë në teatrin e St.Gallenit
-
Bëhet publike agjenda e Forumit shqiptaro-zviceran në Gjenevë
-
Nga 1 maji, filmi kosovar-zviceran “The Land within”, në kinematë e Zvicrës
-
Rixhil Agushi, shqiptare nga RMV, zgjidhet kryetare e Parlamentit të qytetit Schlieren
Jeta në Austri
-
LDK-ja në Vjenë organizon takim në mbështetje të Lukas Mandl, merr pjesë edhe kryetari Lumir Abdixhiku Mësohet se LDK-ja në Vjenë do të organizoj takim në mbështetje të Lukas Mandl ku...
-
Pas ndalimit në Serbi linjat e autobuseve Austri – Kosovë vazhdojnë rrugëtimin pa pengesa
-
Lukas Mandl kërkon votën e shqiptarëve në Austri
-
Kapet pas disa vitesh vjedhësi serik shqiptar, “e tradhtojnë” këpucët
-
Dy të vdekur nga orteku në Austri