“Honda” pezullon prodhimin në Britani

Sipas informacioneve të fundit, autoritetet zyrtare të firmës së prodhimit të veturave “Honda” kanë ndaluar përkohësisht prodhimin në fabrikën e saj në Angli (Britani e Madhe), pasi vonesat e transportit të lidhura me pandeminë e COVID-19 dhe përgatitjet për Brexit e lanë atë me një mungesë të autopjesëve, përcjell albinfo.ch.

Kompania tha se u detyrua të merrte vendimin, sepse vonesat “e lidhura me transportin” e lanë atë pa pjesë. Fabrika mbështetet në sistemin e shpërndarjes “vetëm në kohë”, në të cilin pjesët arrijnë ashtu siç janë të nevojshme për montim dhe nuk ruhen në vend, duke rritur efikasitetin.

“Situata aktualisht po monitorohet me synimin për të rifilluar prodhimin sa më shpejt të jetë e mundur”, bëri të ditur “Honda” në një deklaratë.

Po ashtu, përçarja e tregtisë ndërkombëtare, e shkaktuar nga pandemia, po shkakton vonesa, pasi kontejnerët bosh bllokojnë portet e Britanisë së Madhe.