Integrimi
Pesë kompani shqiptare, në panairin “BIOFACH” në Gjermani
Është bërë e ditur se pesë kompani shqiptare të produkteve organike nga sektori i bimëve mjekuese aromatike dhe produkteve pyjore jodrusore, të drejtuara nga gratë, morën pjesë në panairin BIOFACH 2020, për herë të parë në Gjermani, shkruan albinfo.ch.
Kompanitë shqiptare që ishin të pranishme janë: Agro-Florentina sh.p.k 99 Lule – Cajra natyrale Agro Shqiponja Bio Fruti Bliff-Organik.
“Biofach” është panair, i cili promovon produktet organike. Ky panair është mundësi e mirë për kompanitë kosovare, sepse do kenë mundësi të njihen me trendet e fundit të këtij sektori, shkruan albinfo.ch.
Kjo vizitë u mbështet nga projekti PPSE Program Swisscontact i Agjencisë Zvicerane për Zhvillim dhe Bashkëpunim përmes aktivitetit të fokusuar në mbështetjen për gratë afariste nga ky sektor që ato të kenë mundësi të eksplorojnë trendet globale të prodhimit organik.
Në këtë panair, Blerinda Veliu nga Agrolorentina u takua me shumë klientë të mundshëm që përdorin BMA dhe produkte pyjore jodrusore si lëndë të parë për produktet e tyre. Frymëzimi është një përfitim tjetër që ajo mori me vete. “Më bëri përshtypje prezantimi vizual i kompanive. Bazuar në informacionin e marrë atje, besoj se edhe ne do të aplikojmë ndryshime në pamjet vizuale të kompanisë sonë dhe vitin e ardhshëm do të shohim të marrim pjesë si ekspozues në panaire të ngjashme”, tha ajo.
Po ashtu, kompania “Bliff-Organik” falënderoi programin PPSE Swisscontact dhe Shoqaten Organika që mbështeti dhe realizoi këtë vizitë në panairin organik BIOFACH.
“Mësuam shumë, dhe u frymëzuam për të sjellë ide të reja për zhvillimin e biznesit tonë”, ka shkruar faqja e tyre zyrtare. /Albinfo.ch
E-Diaspora
-
Rama njofton për programin e veçantë për emigrantët që duan të investojnë në Shqipëri Kryeministri i Shqipërisë, Edi Rama, njoftoi sot për një program të veçantë për të gjithë emigrantët...
-
400 mijë të regjistruar përmes platformës e-diaspora
-
Bizneset ekspozojnë produktet e tyre në “Panairi Lugina” në Zvicër
-
Arbëreshët, kjo rrënjë e fortë e Atdheut!
-
Shqiptari shpallet studenti më i mirë i policisë së Nju-Jorkut për 2024-ën
Jeta në Austri
-
Çfarë duhet të dini për supermarketet në Austri? Austria ka një përzgjedhje të gjerë të supermarketeve cilësore, por ka disa dallime kryesore rajonale për...
-
Çfarë lejohet të bëjnë fëmijët vetëm sipas ligjit austriak?
-
Si mund t’i zgjidhë Vjena “problemet e saj të imigracionit”?
-
Edhe Austria i kërkon Qeverisë së Kosovës draft-statutin në këmbim të anëtarësimit në KiE
-
Austria kualifikohet në finale të Eurovizionit