Kosova
Përurohet emergjenca e re, krerët premtojnë rritje pagash
Klinika Emergjente në Qendrën Klinike Universitare të Kosovës është renovuar dhe është përuruar gjatë ditës së sotme.
Për të bërë përurimin e hapjes së klinikës së re, të pranishëm ishin Kryetari i Kuvendit Kadri Veseli, Kryeministri Ramush Haradinaj dhe ministri i Shëndetësisë Uran Ismaili bashkë me drejtorin e Shërbimit Spitalor Klinik Universitar të Kosovës.
Kryetari i Kuvendit Kadri Veseli gjatë përurimit premtoi rritjen e pagave për sektorin e shëndetësisë.
“Kemi një mesazh shumë të qartë: shëndetësia është shumë e shtrenjtë. Kemi vendosur që qytetarët tanë të trajtohen denjësisht dhe të mos kenë nevojë të dalin jashtë vendit. Kemi marrë vendim së bashku me kryeministrin dhe ministrin që që t’i ngrisim pagat e gjithë personelit shëndetësorë shumë shpejt. Jemi të përkushtuar që prej mesit të vitit të ardhshëm asnjë pacient të mos ketë nevojë të blejë barna në mënyrë private”, tha Veseli.
Kryeministri Haradinaj tha se renovimi i emergjencës është një e arritur e shëndetësisë së Kosovës.
“Ne kemi mjekët dhe personelin mjekësor më të mirin në botë. Ju kanë munguar kushtet, pagat, se nuk besoj që i ka dikush më të mirë se ne. Shëndetësia ka qenë e lënë pas dore gjatë dhe është hera e parë që ka ndryshuar diçka”, tha Haradinaj.
Haradinaj gjithashtu u pyet nga gazetarët edhe për sigurimet shëndetësore, kryeministri Haradinaj tha se nuk është proces i lehtë.
“Prapë duhet t’i marrim në përgjegjësi ata që nuk kualifikohen, pra rastet sociale, mirëpo çka është lajm i mirë, është se lista esenciale po sigurohet gradualisht dhe po vjen dita kur pacienti nuk do të blejë më vetë barërat”, tha kryeministri Haradinaj.
E-Diaspora
-
Filmi “The Land within”, lufta në Kosovë, e vështruar nga një kënd tjetër Në "Kino Kosova" është shfaqur edhe filmi "The Land within", i regjisorit shqiptaro-zviceran Fisnik Maxville (Maxhuni),...
-
Robin Krasniqi fiton me pikë ndaj portugezit Jorge Silva
-
Sot shfaqet në Cyrih filmi “The Land within”, i regjisorit Fisnik Maxville
-
“Kino Kosova”: Një realitet filmik i shikuar nga perspektiva femërore
-
Krasniqi sonte rikthehet në ring, përballet me boksierin portugez
Jeta në Austri
-
Cila është vaksina e rriqrave në Austri dhe a duhet ta merrni atë? Me rritjen e temperaturave dhe fillimin e sezonit të rriqrave, cila është vaksina e Austrisë ndaj...
-
Si të mos ‘përplaseni’ nga një tren austriak i mbipopulluar?
-
Çfarë më lejohet të bëj në ballkonin tim në Austri?
-
Një përmbledhje e lajmeve më të fundit në Austri
-
A mund të paguani taksat tuaja austriake duke përdorur një llogari bankare të huaj?