Integrimi
Përparim Avdili zgjidhet kryetar i FDP-së për qarkun 9 të Cyrihut
Politikisht Avdili angazhohet për Cyrihun si një qendër të fortë ekonomike dhe po ashtu për një politikë liberale dhe largpamëse migracioni
Në kuvendin që ka mbajtur të hënën FDP e qarkut të 9 të Cyrihut, kryetar i ri është zgjedhur aktivisti shqiptar i kësaj partie, Përparim Avdili, shkrusan portali i FDP-së së Cyrihut. I kontaktuar nga albinfo.ch Avdili e konfirmon këtë lajm. Ai i zë kështu vendin kolegut të tij Lukas Walther, i cili e ka udhëhequr me sukses FDP-në e këtij qarku gjatë dy viteve të kaluara.
Politikani 29 vjeçar është nëpunës banke ndërsa është rritur në Altstätten (Cyrih), që bën pjesë në qarkun e 9-të të Cyrihut. Në vitin 2015 ai ka kandiduar për deputet në Parlamentin e Kantonit të Cyrihut, me ç`rast ka arritur të jetë zëvendësimi i parë i deputetit të zgjedhur në qarkun zgjedhor II.
Lukas 31 vjeçar, vendin e të cilit e ka zënë Përparimi, vazhdon të jetë në kryesinë e FDP-së të këtij qarku.
Në zgjedhjet komunale të vitit 2014 FDP e ka ngritur votën e saj në 12.4 %, ndërsa Përparim Avdili zotohet se këtë rrugë suksesi do ta vazhdojë më tutje. Ai premton se në zgjedhjet e radhës do ta rrisë këtë përqindje.
Politikisht Avdili angazhohet për Cyrihun si një qendër të fortë ekonomike dhe po ashtu për një politikë liberale dhe largpamëse migracioni, thuhet më tutje në informatën e përmendur.
Përparimi është lindur para 29 viteve në Lojan të Kumanovës dhe prindërit e kanë sjellë si foshnjë një vjeçe në Zvicër, ku i punonte babai prej vitesh. Gjithë kohën ka jetuar në Cyrih. Këtu ka mbaruar shkollimin fillor dhe të mesëm të ekonomisë. Ka filluar punën në bankën Credit Suise, si llogaritar dhe duke qenë punonjës i kësaj banke, ai ka vazhduar dhe kryer një sërë kualifikimesh e specializimesh për punë bankare.
Aktualisht punon në bankën më të madhe të Zvicrës, në UBS.
Përveç si politikan i FDP-së, Përparim Avdili është mjaft i njohur edhe për angazhimet e tij në komunitetin shqiptar të Cyrihut dhe të gjithë Zvicrës. Ai merr pjesë në shumë aktivitete që organizojnë shqiptarët e këtushëm dhe është aktiv në mjaft nisma dhe projekte që kanë të bëjnë me migracionin.
albinfo.ch ka përcjellë paraqitjen edhe ngritjen e Avdilit në skenën politike të Cyrihut dhe në aktivitetet tjera të tij, që nga fillimi përmes intervistave dhe deklaratave që ka marrë nga ai.
E-Diaspora
-
Robin Krasniqi fiton me pikë ndaj portugezit Jorge Silva Boksieri kosovar, Robin (Haxhi) Krasniqi, ka mposhtur portugezin Jorge Silva të shtunën, në meçin e zhvilluar...
-
Sot shfaqet në Cyrih filmi “The Land within”, i regjisorit Fisnik Maxville
-
“Kino Kosova”: Një realitet filmik i shikuar nga perspektiva femërore
-
Krasniqi sonte rikthehet në ring, përballet me boksierin portugez
-
Edi Rama e konfirmon: Më 12 maj jam në Athinë, nisim rrugëtimin e pranverës në diasporë
Jeta në Austri
-
Çfarë më lejohet të bëj në ballkonin tim në Austri? Gjatë muajve të verës, mund të duket se çdo austriak jeton ekskluzivisht në ballkonet e tij...
-
Një përmbledhje e lajmeve më të fundit në Austri
-
A mund të paguani taksat tuaja austriake duke përdorur një llogari bankare të huaj?
-
Pse Austria renditet kaq keq në indeksin për lirinë e shtypit?
-
Nomadët digjitalë: Kush mund të punojë në distancë në Austri?