Për 93 kg kokainë që kushton 18 milionë euro, 16 vjet burg shqiptarit

Njëri nga të arrestuarit, 42 vjeçari M.A. nga Shqipëria është dënuar të hënën nga Gjykata e vendit në Bolzano (Bozen) me 16 vjet burg. Bashkëpunëtori i tij, shqiptari 36 vjeçar G.E. do të gjykohet në vjeshtën që vjen

Një shqiptar i cili në janar të vitit 2016 ishte kapur me 93 kilogramë kokainë, është dënuar me 16 vjet burg. Kjo konsiderohet “preja” më e madhe e kapur deri tash në historinë e Tirolit Jugor, shkruajnë mediat në gjuhën gjermane të këtij regjioni italian.

Policët kishin ndaluar në kufirin Austri-Itali një makinë të tipit Ford Kuga me regjistrim gjerman. Dy personat nga Shqipëria që ishin në makinë kishin pasur sjellje të dyshimtë, transmeton albinfo.ch. Pas kontrollimit të detajuar, policia, në vendin ku lihen gomat rezervë dhe nën ulëse, gjeti plot 93 kilogramë kokainë, të paketuar në 83 “bukë”, siç i quajnë në zhargon njësitë e drogës- vlera në treg e kësaj droge është rreth 18 milionë euro.

Njëri nga të arrestuarit, 42 vjeçari M.A. nga Shqipëria është dënuar të hënën nga Gjykata e vendit në Bolzano (Bozen) me 16 vjet burg. Bashkëpunëtori i tij, shqiptari 36 vjeçar G.E. do të gjykohet në vjeshtën që vjen.