Maqedonia
Pendarovski: Deri në mars 2020 do të jemi anëtar të NATO-s
Pendarovski: Vetëm nga vonesa teknike e një vendi anëtar i NATO-s varet ajo se kur saktë do të bëhemi anëtare
Spanja ka gjasa të formojë Qeverinë e saj diku nga mesi i janarit, ndërsa jo më larg se 3 muajt e parë të vitit 2020 Maqedonia e Veriut do të mund të bëhet anëtare e plotfuqishme e Aleancës Veriatlantike, tha presidenti Stevo Pendarovski në karvanin e organizuar me studentë. Pendarovski duke folur për Samitin e Londrës që u mbajt për nder të 70-vjetorit të themelimit të Aleancës, pohoi se për herë të parë në historinë e Aleancës Veriatlantike ndodh që një shtet, i cili formalisht nuk është anëtar i plotfuqishëm i NATO-s, të ftohet dhe të ulet në të njëjtën tavolinë me vendet anëtare të NATO-s.
“Informacionet fundit, edhe pse jo të vërtetuara, flasin se Spanja mund të krijojë Qeveri diku nga mesi i janarit të vitit të ardhshëm. Vetëm nga vonesa teknike e një vendi anëtar i NATO-s varet se kur saktë do të bëhemi anëtare e plotfuqishme e NATO-s. Parashikimet tona, duke u bazuar në informacionet që kryeministri Sançez ia ka përcjellë kryeministrit Zaev, është që kjo mund të ndodhë në janar dhe askush nuk parasheh se kjo mund të vonohet më shumë se tremujori i parë i vitit 2020”, deklaroi Presidenti i Maqedonisë së Veriut, Stevo Pendarovski. Ndërsa ambasadorja e Britanisë së Madhe, Rejçel Galovej, tha se Samiti i Londrës nuk ishte vetëm një ngjarje e thjeshtë, por shumë domethënëse për Maqedoninë e Veriut, por edhe për Aleancën.
“Samiti ishte i veçantë për Maqedoninë e Veriut, sepse së shpejti do të jetë anëtare e 30 e NATO-s. Shpresoj që të gjithë t’i keni parë imazhet nga Londra, ku flamur i Maqedonisë së Veriut valëvitej së bashku me flamujt e tjerë të vendeve anëtare. Ishte e qartë në mbledhje se të gjitha vendet janë të përgatitura t’i urojmë mirëseardhje Maqedonisë së Veriut, sepse kjo gjë është mirë për NATO-n, për Maqedoninë e Veriut dhe për rajonin”, tha Rachel Galloway, ambasadore e Britanisë së Madhe. Kur Protokollin për aderim në NATO do ta ratifikojnë të gjitha vendet anëtare të Aleancës, mbetet që dokumenti për aderim të ratifikohet edhe në Kuvendin tonë, me të cilin do të zyrtarizohet anëtarësimi i Maqedonisë se Veriut në NATO.
Të ngjashme
Të tjera nga Maqedonia
E-Diaspora
-
Sot shfaqet në Cyrih filmi “The Land within”, i regjisorit Fisnik Maxville Filmi shfaqet në kuadrin e festivalit të filmit "Kino Kosova" që po mbahet në kinemanë RiffRaff...
-
“Kino Kosova”: Një realitet filmik i shikuar nga perspektiva femërore
-
Krasniqi sonte rikthehet në ring, përballet me boksierin portugez
-
Edi Rama e konfirmon: Më 12 maj jam në Athinë, nisim rrugëtimin e pranverës në diasporë
-
Kalabri - Itali
Gennaro Gattuso flet për rrënjët e tij në Kalabri
Jeta në Austri
-
Çfarë më lejohet të bëj në ballkonin tim në Austri? Gjatë muajve të verës, mund të duket se çdo austriak jeton ekskluzivisht në ballkonet e tij...
-
Një përmbledhje e lajmeve më të fundit në Austri
-
A mund të paguani taksat tuaja austriake duke përdorur një llogari bankare të huaj?
-
Pse Austria renditet kaq keq në indeksin për lirinë e shtypit?
-
Nomadët digjitalë: Kush mund të punojë në distancë në Austri?