PDK lëshon seancën pasi nuk hidhet në votim mocioni për votim të Ligjit për Specialen sot në orën 17:30

Deputetët e Partisë Demokratike të Kosovës e kanë lëshuar sallën ku po i zhvillon punimet seanca plenare, pasi nuk është hedhur në votim mocioni procedural me të cilin kërkohej që Projektligji për ndryshimin e Ligjit për Specialen të votohej sot në orën 17:30.

Mocioni është paraqitur nga shefi i Grupit, deputeti Arian Tahiri por është kundërshtuar nga kryetarja e Kuvendit Albulena Haxhiu e cila i ka kërkuar Tahirit ta tërheqë mocionin, transmeton albinfo.ch.

Sipas Haxhiut dakordimi ishte që pas takimit mes kryetarëve të PDK-së dhe LVV-së, mund të arrihej dakordim për çështjen në fjalë teksa u shpreh se nuk e kupton sesi PDK-ja e ndryshoi qëndrimin për pak kohë.

Tutje, ajo ka deklaruar se tash nuk ka çështje më të rëndësishme se sa ajo për presidentin.