Pas rinumërimit: PDK fiton në Dragash ndërsa AAK, në Rahovec

Në Dragash, fitues ka dalë kandidati i PDK-së, Shaban Shabani ndërsa në Rahovec, ai i AAK-së, Smajl Latifi

Në Dragash, edhe pas rinumërimit të votave, fitues ka dalë kandidati i PDK-së për këtë komunë, Shaban Shabani. Ky rezultat doli pas rinumërimit të 35 vendvotimeve, atyre me kusht, me postë dhe të personave me aftësi të kufizuara, njofton rtklive.com.

Sipas rezultateve gjatë rinumërimit, PDK ka marrë 4117 dhe LDK 287. Kurse, në votat me kusht, me postë dhe personat me nevoja të veçanta, PDK ka marrë 302 dhe LDK 67.

Në dy proceset kanë qenë 66 fletëvotime të pavlefshme dhe një e zbrazur.

Ndërsa në Rahovec, AAK me rinumërimin e tri vendvotimeve, ka marrë 566 vota, ndërsa, PDK 370.

Gjithashtu janë numëruar edhe votat me kusht, ato me postë dhe votat e personave me aftësi të kufizuara, ku AAK ka marrë 106 vota dhe PDK 78.

Në rinumërim dhe votat me kusht kanë qenë të pa vlefshme 8  fletëvotime të pa vlefshme.