Pas fitores në Evropian, Gjakova synon medalje në Botëror e Olimpiadë

Xhudisti kosovar, Akil Gjakova, sot është shpallur Kampion Evropian në garat e xhudos që janë duke u zhvilluar në Lisbonë të Portugalisë.

Pas kësaj fitore, Gjakova ka dhënë një intervistë ekskluzive në Klan Kosova, ku ka treguar se ai nuk do të ndalet me kaq.

Tash e tutje, synim i tij është që të sigurojë medalje të artë edhe në Kampionatin Botëror si dhe atë të Olimpiadës.

“Është një ndjenjë e papërshkrueshme. Jam i pari nga meshkujt në Kosovë që jam bërë Kampion i Evropës. Këtë medalje e kam kërkuar ndër vite me radhë dhe tani mundi është shpërblyer. E gjithë kjo punë e madhe më në fund na është shpërblyer”, tha ai për Klan Kosova, përcjell Albinfo.ch.

“Sot ka qenë dita ime, kam qenë në formë dhe gjithçka ka shkuar mirë. Ende nuk po mund të besoj, por unë nuk do të ndalem deri në cakun e ardhshëm”.

“Synimi kryesor i çdo sportisti është Kampionati Evropian, Botëror dhe Olimpiada – synimi kryesor në këto dy gara do të jetë medalja”.

Suksesi i xhudistëve kosovarë në Kamiponatin Evropian bëri që Kosova t’i prijë renditjes së shteteve me medalje të fituara

LAJME INTERESANTE NGA INTERNETI