Parlamenti rus miraton përdorimin e forcës ushtarake jashtë Rusisë

Ky vendim i mundëson Putinit sulmet më të gjera në Ukrainë

Ligjvënësit rusë autorizuan sot presidentin Vladimir Putin për të përdorur forcën ushtarake jashtë vendit, një veprim që mund të parashikojë një sulm më të gjerë në Ukrainë, pasi SHBA-ja tha se një pushtim atje ishte tashmë duke u zhvilluar.

Disa liderë evropianë thanë se trupat ruse u futën në zonat e kontrolluara nga rebelët në Ukrainën lindore, pasi Putin njohu pavarësinë e tyre. Por ishte e paqartë se sa i madh ishte dislokimi, dhe Ukraina dhe aleatët e saj perëndimorë kanë thënë prej kohësh se trupat ruse po luftonin në rajon, akuza që Moska gjithmonë i mohonte, raporton Cnn, përcjell Albinfo.ch.

Anëtarët e Dhomës së Lartë, Këshilli i Federatës, votuan njëzëri për të lejuar Putinin të përdorte forcën ushtarake jashtë Rusisë, duke zyrtarizuar në mënyrë efektive një dislokim ushtarak rus në rajonet rebele, ku një konflikt tetëvjeçar ka vrarë afro 14,000 njerëz.

Menjëherë pas kësaj, Putini shtroi tri kushte për t’i dhënë fund krizës që ka kërcënuar të zhysë Evropën përsëri në luftë, duke ngritur spektrin e viktimave masive, mungesave të energjisë dhe kaosit ekonomik në mbarë globin.

 

---