Lajme
Parlamenti: Bizneset e dëmtuara nga pandemia, të paguajnë 70% më pak qira
Mocioni kërkon që operatorët e restoranteve dhe bizneseve të tjera të mbyllura nga qeveria për shkak të pandemisë, do t`u detyrohen pronarëve të tyre me pagesën e vetëm 30 për qind të qirasë
Në seancën e vet të jashtëzakonshme, Dhoma Nacionale e Parlamentit të Zvicrës ka miratuar sot një mocion të komisionit të saj ekonomik me 103 pro, 77 kundër dhe 15 abstenime, shkruan sda.ch.
Mocioni kërkon që operatorët e restoranteve dhe bizneseve të tjera të mbyllura nga qeveria për shkak të pandemisë, do t`u detyrohen pronarëve të tyre me pagesën e vetëm 30 për qind të qirasë, transmeton albinfo.ch. Kjo vlen për periudhën në të cilën bizneset në fjalë duhet të qëndrojnë të mbyllura për shkak të masave zyrtare.
Në të njëjtën kohë, do të krijohet një fond për “rastet e rënda” për pronarët e bizneseve, ekzistenca e të cilëve do të kërcënohej për shkak të heqjes dorë të pjesshme të qirasë. Ky fond do të realizohet me një shumë prej 20 milionë frangash.
Dhoma e Kantoneve (Senati) nga ana tjetër ka propozuar një tjetër zgjidhje, në seancën e mbajtur të hënën. Ajo ka për qëllim të ndihmojë vetëm ndërmarrjet më të vogla. Propozimi i saj ishte për një ulje të qirasë dy-mujore për bizneset e vogla dhe të vetëpunësuarit, qiraja bruto e të cilëve nuk i kalon 5,000 frangat në muaj, përcjell albinfo.ch. Në rastin e qirave më të larta, Qeveria Federale duhet të marrë përsipër një të tretën, me kusht që palët të bien dakord për një ulje të normës së interesit.
Dhoma Nacionale ka kundërshtuar me heshtje këtë propozim. Kështu, propozimi i Senatit tashmë është hedhur rendit të ditës, transmeton albinfo.ch. Por, është gjithashtu e pasigurt nëse zgjidhja gjithëpërfshirëse e propozuar nga Dhoma Nacioanale do të kalojë votimin e pritshëm të cilit do t`i nënshtrohet në senat.
Të ngjashme
Të tjera nga Lajme
E-Diaspora
-
Arnold “The Cobra” Gjergjaj triumfon në luftën e fundit Gjatë së shtunës Arnold “The Cobra” Gjergjaj triumfoi kundër Dennis Lewandowski. Kjo ndeshje e madhe u...
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
Jeta në Austri
-
Katër liqene të bukura, tek të cilat mund të shkoni lehtësisht nga Vjena me transport publik Pranvera është këtu dhe vera është rrugës. Është koha e përsosur e vitit për të vizituar...
-
Sa vite duhet të punoni në Austri që të keni të drejtën e pensionit?
-
Austrian Airlines arrin marrëveshje pagash me punëtorët për të shmangur grevat e reja
-
Katër gjëra që duhet të dini para se të regjistroni fëmijën tuaj në një kopsht fëmijësh në Vjenë
-
A mund të marr përfitime papunësie në Austri nëse jam i vetëpunësuar?