Paris: Kazermat shndërrohen në xhami

Nga mungesa e hapësirës për t’u lutur, në Paris dhe Marseille zyrtarët i kanë transformuar disa kazerma të vjetra në xhami

Prej disa vjetësh xhamitë e vendosura në rrugën Myrha  dhe Polonceau në rrethinën VIII të Parisit pësojnë një fluks të qindra myslimanëve gjatë lutjeve të së premtes, duke detyruar disa prej tyre të falen në rrugë. Kjo temë është bërë shumë polemike me hapjen e një kazerme të vjetër e të shndërruar në një vend të besimit, shkruan “Rue89”.

Lutja në rrugë nuk u përshtatet as myslimanëve, as banorëve, as udhëheqësve politikë të të gjitha partive.

Në fund të vitit 2010  Marine Le Pen, kryetare i Frontit Kombëtar të Francës (FN), krahason këto lutje në rrugë me okupimin gjatë Luftës së Dytë Botërore, krahasim që krijoi një stuhi polemikash dhe që përhapi tensionet brenda lagjes në fjalë.

Ndërsa situata ishte deri më tani e bllokuar në pritje të ndërtimin të një xhamie të re më 2013, ministri i Brendshëm, Claude Guéant, deklaroi se një ish-kazermë do të vihet në dispozicion të myslimanëve praktikantë.

Që nga 16 shtatori gjerë te ndërtimi i një xhamie të vërtetë, 2000 metrat katrore të ish-kazermës së ashtuquajtur Clignancourt do të shërbejnë si një vend i lutjes.

Një vendim i miratuar nga Muhamedi Moussaoui, kryetar i Këshillit Francez të besimit mysliman (CFCM), i cili do të zgjerohet në qytete të tjera  që përballen me të njëjtin problem  “siç është Marseille“, thekson ministrit të Brendshëm.

Zgjidhje e përkohshme – por inkurajuese – për një rast për të cilin Claude  Guéant dhe udhëheqësit myslimanë kanë më në fund të njëjtin qëllim: “zhdukjen e namazit në rrugë”.