Parashikimi i fundjavës: Vazhdon moti tropikal në Zvicër

(KEYSTONE/Ti-Press/Elia Bianchi)

Nuk do të ketë lehtësim nga i nxehti të shtunën dhe të dielën, sipas parashikimit të shërbimit zyrtar meteorologjik të Zvicrës, MeteoSwiss.

Në shumicën e rajoneve të Zvicrës, temperaturat do të kalojnë 30 gradë Celsius, por në Graubünden do të jetë “më e ftohtë” me “vetëm” 28 gradë Celsius, shkruajnë mediat zvicerane, përcjell albinfo.ch.

E njëjta gjë parashikohet për fillimin e javës së ardhshme kur vala e të nxehtit pritet të vazhdojë me temperaturat rreth 35 gradë Celsius duke u bërë standard.