Lajme
Papunësia në Zvicër, më e shprehur te të huajt
Shkalla e papunësisë te shtetasit zviceranë në fund të tetorit ishte 1.6% ndërsa te të huajt, 3.8%
Numri i të papunëve gjatë muajit tetor në Zvicër ka shënuar një rënie të vogël në krahasim me tetorin e një viti më parë. Kështu, në tetor të vitit 2018 shkalla e papunësisë ishte 2.4%, në tetorin e vitit 2019 ajo ka rënë në 2.3%, shkruan srf.ch.
Siç bën të ditur Sekretariati Shtetëror për Ekonomi (Seco), në fund të tetorit në të gjitha zyrat regjionale për ndërmjetësim të punës (RAV) ishin regjistruar 101.700 veta si të papunë, transmeton albinfo.ch. Ky numër është për 5600 më i vogël se ai i tetorit 2018.
Ndërkaq gjatë tetorit ishin shpallur të lira afër 35.000 vende pune, që ishte për 3200 më pak se një muaj më parë.
Megjithatë, po u krahasua me shtatorin e këtij viti, shkalla e papunësisë në fund të tetorit ka qenë pak më e lartë. Në shtator ajo ishte 2.1%, ndërsa në tetor, 2.2%.
Sikurse ndodh zakonisht, shkalla e papunësisë edhe në tetor ishte dukshëm më e ulët në Zvicrën gjermane se në atë frankofone, përcjell albinfo.ch. Kështu, përderisa në pjesën gjermane, të papunë ishin vetëm 1.9% (një muaj më parë: 1.8%), në zonën frankofone dhe në atë italiane ajo mbërrinte në 3.1% (në shtator: 3.0%).
Ndarja tjetër sa i përket shkallës së papunësisë është ajo në mes të zviceranëve dhe të huajve. Papunësia te shtetasit zviceranë në fund të tetorit ishte 1.6% (njësoj sikur në shtator), ndërsa te të huajt, 3.8% (0.2% më e ulët se në shtator).
Të ngjashme
Të tjera nga Lajme
E-Diaspora
-
Një shqiptaro-zvicerane ambicioze, në Kancelarinë Federale të Zvicrës Drenusha Hajdini punon në Kancelarinë Federale të Zvicrës. Ajo flet për albinfo.ch rreth postit që mban,...
-
Jehon kënga e vallja shqipe në sheshin e qytetit Thun
-
Shqipëri: A do të mundësohet vota e emigrantëve në zgjedhjet 2025?
-
Sot fillon në Cyrih Festivali i Filmit “Kino Kosova”
-
Vjenë
Vjenë: Kori Siparantum, edhe me një paraqitje në skenën prestigjioze
Jeta në Austri
-
Nomadët digjitalë: Kush mund të punojë në distancë në Austri? Pandemia e Covid-19 solli një epokë të re të mundësive të punës në distancë, por të...
-
Lajmet kryesore të Austrisë për këtë të enjte
-
“Haushaltsversicherung”: Si funksionon sigurimi i shtëpisë në Austri?
-
Vjenë
Vjenë: Kori Siparantum, edhe me një paraqitje në skenën prestigjioze
-
Kandidatja për eurodeputete, Kati Schneeberger, hap në Vjenë ekspozitën “Rezistenca paqësore në Kosovë 1990-1998