Lajme
35% më pak para u dërgohen familjeve në Shqipëri
Pandemia ka varfëruar edhe emigrantët shqiptarë, të cilët ndihmojnë familjet e tyre me të ardhura.
Sipas të dhënave të Bankës së Shqipërisë, gjatë periudhës prill-qershor në vend kanë ardhur 121 mln euro, duke pësuar një rënie me 35%.
Kjo ecuri është ndikuar nga reduktimi i prurjeve cash, pasojë e masave kufizuese të lëvizjes së emigrantëve, por edhe si rezultat i humbjes së vendeve të punës.
Ndikim kryesor në rënien e të ardhurave e kanë dhënë emigrantët në Itali dhe Greqi.
Ndërsa ekspertët ngrenë si shqetësim efektin që do të sjellë rënia e remitancave, sidomos në familjet e varfra, të cilat i kanë të vetmet burime të ardhurash, raporton abcnews.al, përcjell Albinfo.ch.
“Prurjet vullnetare të emigracionit në krahasim me një vit më parë është reflektim i njëkohshëm i gjendjes së vështirë ekonomike në vendet perëndimore, njëkohësisht është një tregues që thotë se qeveria duhet të shohë politikat sociale që ndjek kundrejt shtresave më në nevojë, pasi ato janë edhe më të goditurat.
Efekti në rastin e shoqërisë shqiptare shtrihet në përkeqësimin e statusit social-ekonomik të familjeve, për të mos thënë edhe se kjo ndikon në tregjet e pasurive të patundshme. Agjencitë imobiliare ankohen për mospagesë të kësteve për porositë që janë bërë”, thotë Preçi.
Sipas Zef Preçit, situata mbetet shqetësuese sidomos në këtë periudhë kur vendi po hyn në fushatë elektorale dhe shtresat në nevojë lihen në harresë.
“Keqqeverisja vazhdon të jetë prezente dhe ka tendencë të thellohet në periudha zgjedhore. Kjo do të thotë se qoftë favorizimi në fonde, nepotizmi, klientelizmi, tkurrja e mëtejshme e konkurrencës çon në afera korruptive dhe përkeqësim të fondeve shtetërore në dispozicion”, theksoi ai.
Sipas statistikave të Bankës së Shqipërisë, rreth 43 mijë familje shqiptare jetojnë vetëm në bazë të remitancave, të cilat përdoren kryesisht për blerjen e ushqimeve.
E-Diaspora
-
Tenori Ramë Lahaj në Toronto, me rastin e 25-vjetorit të ardhjes së refugjatëve nga Kosova në Kanada Tenori i njohur nga Kosova, Ramë Lahaj, do të jetë në Toronto në kuadër të aktiviteteve...
-
Regjistrimi i popullsisë: Diaspora mund të regjistrohet online deri më 31 gusht
-
Katër mërgimtarët që udhëtuan nga Zvicra në Strugë me biçikletë
-
Kosovë: Në 11 komuna shtyhet regjistrimi i popullsisë deri më 24 maj, për diasporën deri 31 gusht
-
Rreth 350 biznese nga diaspora dhe Kosova u mblodhen në Prishtinë
Jeta në Austri
-
Rreth 350 biznese nga diaspora dhe Kosova u mblodhen në Prishtinë Në 10 vjetorin e themelimit të Rrjetit Global të Bizneseve Shqiptare, sot në Prishtinë është mbajtur...
-
Si po e ndryshon motin në Austri ngrohja globale?
-
Lajmet më të fundit të së enjtes në Austri
-
Qeveria austriake ndan edhe këtë vit bonus: Nga 145 -290 euro për secilin qytetar të saj
-
Si po e bën Austria më të lehtë imigrimin e punonjësve të huaj shëndetësorë?