Lajme
Pacientët që kanë kaluar Covid-19 kanë simptoma edhe pas gjashtë muajsh
Më shumë se tre të katërtat e personave të shtruar në spital me COVID-19 ende vuajnë nga të paktën një simptomë edhe gjashtë muaj më pas, sipas një studimi të botuar në revistën “The Lancet”, gjë që thekson nevojën për kërkime të mëtejshme në efektet e mbetura të COVID-19, shkruan AFP, përcjell Albinfo.ch.
Lodhja ose dobësia e muskujve janë simptomat më të zakonshme. Gjithashtu, janë vërejtur edhe çrregullime të gjumit, ankth ose depresion.
Përveç kësaj, disa pacientë kanë zhvilluar probleme me veshkat pas daljes nga spitali.
Pacientët që kanë qenë të sëmurë më rëndë shpesh kanë rezultuar me dëmtime në funksionin e mushkërive, si edhe anomali të tjera në kraharor.
“Për shkak se COVID-19 është një sëmundje e re, ne vetëm sa kemi filluar të kuptojmë disa nga efektet e tij afatgjata në shëndetin e pacientëve”, komenton autori kryesor i studimit, prof. Bin Cao.
“Kjo thekson nevojën për kujdes të mëtejshëm pas daljes nga spitali, veçanërisht për pacientët me infeksion të rëndë”, shtoi ai.
Cao shtoi se është me rëndësi kryerja e studimeve më të gjata në popullata më të mëdha, në mënyrë që të kuptohet spektri i plotë i efekteve që COVID-19 mund të ketë te njerëzit.
Sipas OBSH, virusi paraqet rrezik për efekte të qëndrueshme serioze në disa persona, madje edhe te të rinjtë, që nuk janë shtruar në spital.
E-Diaspora
-
Filmi “The Land within”, lufta në Kosovë, e vështruar nga një kënd tjetër Në "Kino Kosova" është shfaqur edhe filmi "The Land within", i regjisorit shqiptaro-zviceran Fisnik Maxville (Maxhuni),...
-
Robin Krasniqi fiton me pikë ndaj portugezit Jorge Silva
-
Sot shfaqet në Cyrih filmi “The Land within”, i regjisorit Fisnik Maxville
-
“Kino Kosova”: Një realitet filmik i shikuar nga perspektiva femërore
-
Krasniqi sonte rikthehet në ring, përballet me boksierin portugez
Jeta në Austri
-
Çfarë më lejohet të bëj në ballkonin tim në Austri? Gjatë muajve të verës, mund të duket se çdo austriak jeton ekskluzivisht në ballkonet e tij...
-
Një përmbledhje e lajmeve më të fundit në Austri
-
A mund të paguani taksat tuaja austriake duke përdorur një llogari bankare të huaj?
-
Pse Austria renditet kaq keq në indeksin për lirinë e shtypit?
-
Nomadët digjitalë: Kush mund të punojë në distancë në Austri?