Orion Jucja përfundon me sukses programin prestigjioz Hubert H. Humphrey në SHBA

SHBA: Orion Jucja diplomon në programin prestigjioz Humphrey

Orion Jucja ka përfunduar me sukses programin prestigjioz Hubert H. Humphrey në fushën e shëndetit publik, në Universitetin Virginia Commonwealth në Shtetet e Bashkuara të Amerikës, shkruan albinfo.ch.

Gjatë qëndrimit të tij në SHBA, ai pati mundësinë të mësojë dhe të përvetësojë praktikat më të mira ndërkombëtare në trajtimin e varësisë nga substancat, një fushë me rëndësi kritike në ruajtjen e shëndetit publik dhe forcimin e sigurisë komunitare. Eksperienca e tij përfshiu qasjet më moderne për frenimin e përhapjes së drogave të paligjshme, si dhe bashkëpunimin me institucione amerikane që punojnë në këtë drejtim.

Përmes këtij formimi, Orion Jucja synon që të kontribuojë në mënyrë aktive në përmirësimin e sistemit shëndetësor dhe në ndërtimin e komuniteteve më të sigurta në vendin e tij, duke sjellë një përvojë të vlefshme ndërkombëtare në terren.

Ambasada amerikane theksoi në një postim në rrjetet sociale se, “gjatë qëndrimit në Shtetet e Bashkuara, Orioni bashkëpunoi me ekspertë të Institutit Kombëtar të Shëndetit dhe Institutit Kombëtar të Abuzimit me Drogën, Divizioni për Terapitë dhe Pasojat Mjekësore, duke mësuar praktikat më të mira në trajtimin e varësisë, që do të ndihmojë në frenimin e përhapjes së drogave të paligjshme dhe në ndërtimin e komuniteteve më të sigurta”. /Albinfo.ch

---