CH-Ballkani
Numri më i ri i albinfo.ch i kushtohet “merakut” të shqiptarëve për “kerre”
Shqiptarët, në veçanti ata të Zvicrës dhe “meraku” i tyre tashmë proverbial për “kerret”, është në fokus të numrit më të ri të magazinës albinfo.ch.
Për të pasqyruar në mënyrë sa më gjithëpërfshirëse këtë pasion të një lloji paksa të veçantë, albinfo.ch është përpjekur të kapë segmente nga më të ndryshmet të veprimtarive që lidhen me jetën “mbi katër rrota”. Kështu, në këtë numër prezantohen një sërë punëtorishë dhe garazhesh me pronarë shqiptarë, të automjeteve nga e gjithë Zvicra, pastaj disa autoshkolla, pronarët e të cilave janë shqiptarët e këtushëm etj. Ata të gjithë shpalosin përvojat e tyre që flasin për ngritjen e bizneseve me punë vetëmohuese e sakrifica shpeshherë të të gjithë familjes dhe gjithsesi e vendosin në fokus “merakun” e bashkatdhetarëve të tyre për makinat dhe vozitjen.
Për të plotësuar kuadrin tematik të numrit, janë trajtuar edhe tema që lidhen me veturat, si sigurimi i tyre, institucionet që merren me lejimin teknik dhe përgatitjen e automjeteve për pjesëmarrje në trafik, doganimi i veturave në Kosovë, etj.
VIP-at shqiptarë të futbollit dhe veturat e tyre ekstravagante janë po ashtu temë e këtij numri të revistës. Ndërsa një prezantim i veçantë u është bërë tri klubeve shqiptare të motoristëve që veprojnë në Zvicër.
Ndërkaq, sikur çdo numër tjetër i revistës, edhe ky i ka lënë hapësirë edhe temave tjera nga fusha e kulturës, sportit e shoubiznesit, ku protagonistë, si gjithmonë, janë shqiptarët e diasporës, kryesisht ata të Zvicrës.
“Albinfo.ch” mund të gjendet falas në të gjitha pikat e frekuentuara nga shqiptarët në Zvicër, ndërsa ajo mund t`u vijë në shtëpi, nëse e parapaguani.
Të tjera nga CH-Ballkani
E-Diaspora
-
Nju-Jork: Baleti Kombëtar i Kosovës me dy shfaqje Bëhet e ditur se Baleti Kombëtar i Kosovës, do të realizojë edhe një paraqitje tjetër të...
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
-
BQK: Mbi 112 milionë euro i sollën mërgimtarët në Kosovë vetëm gjatë marsit
Jeta në Austri
-
Katër liqene të bukura, tek të cilat mund të shkoni lehtësisht nga Vjena me transport publik Pranvera është këtu dhe vera është rrugës. Është koha e përsosur e vitit për të vizituar...
-
Sa vite duhet të punoni në Austri që të keni të drejtën e pensionit?
-
Austrian Airlines arrin marrëveshje pagash me punëtorët për të shmangur grevat e reja
-
Katër gjëra që duhet të dini para se të regjistroni fëmijën tuaj në një kopsht fëmijësh në Vjenë
-
A mund të marr përfitime papunësie në Austri nëse jam i vetëpunësuar?