Njihuni me Flamur Ademin, talentin shqiptar që i bashkohet St. Gallen U15

Flamur Ademi, talenti shqiptar nga Kreuzlingeni që fiton vendin në St. Gallen U15

Flamur Ademi, është përzgjedhur si pjesë e skuadrës së njohur zvicerane St. Gallen U15, pasi në një konkurrencë me rreth 200 fëmijë, ai u rendit në mesin e 22 futbollistëve më të talentuar, transmeton albinfo.ch.

Flamuri ka lindur më 21 dhjetor 2012 dhe futbollin e nisi që në moshën 6-vjeçare në Kreuzlingen. Ai luan në pozitën e mesfushorit defensiv, ndërsa talenti i tij u dallua shpejt nga trajnerët, duke e çuar më pas në zhvillim profesional edhe në Burglen.

 

 

Me përkushtim dhe stërvitje intensive, përfshirë edhe punë shtesë me trajner të posaçëm, Flamuri tashmë ka arritur një hap të rëndësishëm në karrierën e tij.

Si çdo i ri, edhe ai ka ëndrra të mëdha: një ditë synon të vesh fanellën e klubeve si Bayern Munich dhe AC Milan, ndërsa idhujt e tij janë Lionel Messi dhe Cristiano Ronaldo./Albinfo.ch 

---