Lajme
Shqiptari, kryetar i Parlamentit të Komunës Moudon
Zgjedhja e Gzim Ramës në këtë pozitë përbën rastin e parë që një politikan me prejardhje të huaj të marrë një post kaq të lartë në këtë komunë dhe më gjerë
Gzim Rama është zgjedhur me shumicë të votave kryetar i Parlamentit të Komunës së Moudon-nit. Zgjedhja e tij në këtë post përbën rastin e parë, që një politikan me prejardhje të huaj të zgjidhet në këtë nivel kaq të lartë. Ky hap vjen pasi që një vit më parë ai qe zgjedhur nënkryetar i këtij parlamenti. Platforma mediale albinfo.ch (online&print) sjell intervistën me politikanin shqiptar me prejardhjen nga Medvegja. Rama edhe zyrtarisht nis më 1 korrik 2023 punën e kryetarit të Parlamentit të kësaj komune në Kantonin Vaud.
Albinfo.ch: Çfarë do të thotë për ju të merrni një funksion të lartë në komunën tuaj, sidomos kur bëhet fjalë për një politikan me prejardhje të huaj?
Gzim Rama: Kuptohet që ky është një privilegj shumë i madh dhe po ashtu jam shumë i lumtur e krenar fillimisht për familjen time, miqtë dhe tërë komunitetin. Kurse sigurisht, më bën të ndihem edhe më shumë krenar fakti që si një politikan me prejardhje të huaj (e kam edhe shtetësinë zvicerane) do të marrë postin e Kryetarit të Kuvendit Komunal në një komunë si Moudon. Në Komunën e Moudon-nit jam një nga shqiptarët e parë dhe mos gaboj ndoshta në kantonin Vaud, po ashtu, në Zvicrën frëngjishtfolëse.
Albinfo.ch: Si ka ardhur te zgjedhja juaj?
Gzim Rama: Kjo ishte një prej ambicieve dhe dëshirave që kisha vite më parë, por sidomos një vullnet i madh nga bashkëpartiakët e Partisë Socialiste, meqë kam qenë edhe si kryetar i këtij subjekti politik në Moudon që nga viti 2020, dhe tani kuptohet që jam dorëhequr nga ky post, dhe falënderoj të gjithë deputetët e partive që ma besuan këtë post më 27 qershor, dhe shpresoj që nuk do t’i zhgënjej.
Albinfo.ch: Sa kohë ka që merreni me politikë ?
Gzim Rama: Me politikë në fakt unë jam rritur, si shumica nga ne kur ishim të vegjël dhe kishim shumë debate politike në mesin e familjes dhe shoqërisë tonë. Por, praktikisht jam aktiv që nga viti 2017 dhe si deputet nga viti 2019, kurse në zgjedhjet komunale të vitit 2021 isha shumë krenar që arrita rezultatin e deputetit më të votuar me prejardhje të huaj.
Albinfo.ch: Sa banorë i ka komuna juaj dhe sa nga ta janë me origjinë të huaj ?
Gzim Rama: Moudon ka 6230 banorë, 55% zviceranë, 45% të huaj, kurse kemi 86 shtetësi të ndryshme. 10% janë shqiptarë, që llogaritet çdo i dhjeti banor është shqiptar.
Albinfo.ch: Ju jeni në këtë legjislaturë prej vitit 2021, çfarë keni bërë ju për shqiptarët e kësaj komune, po edhe për të tjerët ?
Gzim Rama: Në fakt, të bësh diçka vetëm për shqiptarët ose për ndonjë kombësi tjetër është shumë e vështirë, se kjo fatkeqësisht nuk varet vetëm nga unë ose disa individë, por nga të gjithë brenda institucionit, dhe kuptohet që unë i përfaqësoj të gjithë banorët e komunës sime që më dhanë besimin e tyre. Dëshira ime është që të krijojmë sërish një shkollë për të mësuar gjuhën shqipe, edhe pse para 20 vjetësh ishte funksionale, por nga mosinteresimi e prindërve, është mbyllur.
Unë mendoj që një nga gjërat që kam bërë për shqiptarët, dhe jo vetëm për komunën time, por ndoshta në kantonin Vaud, dhe ndoshta edhe në Kosovë është që t’i përfaqësoj dhe të ndihen krenar me ne shqiptarët, dhe t’i inkurajojmë të tjerët që me vullnet dhe me punë, edhe ne si shqiptarë mund të arrijmë në disa pozita, që para disa vjetësh do të ishte e paimagjinueshme.
Kush është Gzim Rama?
Jam i lindur më 18.05.1988, në komunën e Medvegjës (Kosovë lindore), i martuar dhe kam një vajzë 9 vjeçe. Kam migruar në Zvicër në moshën 10-vjeçare gjatë luftës në Kosovë.
Kam të mbaruar shkollën e tregtisë dhe kam përfunduar disa specializime, po ashtu jam edhe mësimdhënës për nxënësit për provimet praktike rreth diplomimit dhe u jap mësim studentëve në shkollat profesionale.
Flas 3 gjuhë: shqip, frëngjisht dhe kam studiuar gjermanishten.
E-Diaspora
-
Gjuha shqipe në Zvicër, tema qendrore e numrit më të ri të revistës albinfo.ch Numri më i ri i revistës albinfo.ch, i cili nga sot është në duart e lexuesve,...
-
Itali
Arrestohet shqiptari në Itali, kishte mbi 1 kg kokainë në makinë
-
Panairi Gjergj Kastrioti Skënderbeu, bashkon më shumë se 100 shoqata në Nju-Jork
-
Një shqiptaro-zvicerane ambicioze, në Kancelarinë Federale të Zvicrës
-
Thun
Jehon kënga e vallja shqipe në sheshin e qytetit Thun
Jeta në Austri
-
Një përmbledhje e lajmeve më të fundit në Austri Austria sheh rritje të papunësisë ndërsa ekonomia dobësohet, foshnja e vogël lëndohet pas rënies nga dritarja...
-
A mund të paguani taksat tuaja austriake duke përdorur një llogari bankare të huaj?
-
Pse Austria renditet kaq keq në indeksin për lirinë e shtypit?
-
Nomadët digjitalë: Kush mund të punojë në distancë në Austri?
-
Lajmet kryesore të Austrisë për këtë të enjte