Lajme
Një arritje tjetër në fushën e arsimit ndërmjet SHBA-së dhe Shqipërisë
Një arritje tjetër në fushën e arsimit ndërmjet SHBA-së dhe Shqipërisë, pas nënshkrimit të marrëveshjes së “Fulbright” në muajin shtator 2019, transmeton albinfo.ch.
Nëpërmjet kësaj marrëveshjeje, studentët dhe trupa pedagogjike e Fakultetit të Mjekësisë Dentare në Tiranë do të kenë mundësi të marrin një eksperiencë të vyer në një nga institucionet prestigjioze në SHBA në këtë fushë.
Një falënderim i veçantë për përfaqësuesit e Universitetit Rutgers, New Jersey, dhe Fakultetit të Mjekësisë Dentare të Tiranës që përqafuan menjëherë këtë iniciativë dhe bën të mundur finalizimin e saj edhe gjatë kushteve të vështira të pandemisë.
Postimi i plotë:
Finalizohet bashkëpunimi zyrtar ndërmjet UMT dhe Fakultetit të Mjekësisë Dentare me “Rutgers School of Dental Medicine” të New Jersey, USA.
Ky bashkëpunim u iniciua që në muajin mars 2020 nga Ambasadorja jonë në Shtetet e Bashkuara të Amerikës, Zonja Floreta Faber, drejtues e përfaqësues të FMD dhe drejtues të lartë e personalitete të Rutgers School of Dental Medicine të New Jersey, duke planifikuar gjithashtu edhe një vizitë zyrtare të përfaqësuesve e drejtuesve të Rutgers School të New Jersey në UMT e FMD. Për shkak të situatës së pandemisë, kjo vizitë pritet të realizohet në një periudhë më të përshtatshme epidemiologjike.
Ky bashkëpunim shumë i rëndësishëm me partnerë prestigjozë ndërkombëtarë, i pari bashkëpunim i FMD me një Universitet amerikan, synon mobilitetin e stafit akademik dhe të studentëve nga FMD e UMT pranë Rutgers School, USA, si dhe shkëmbime të karakterit akademik-shkencor dhe mundësi të njohjes së studentëve tanë me të rejat shkencore të dentistrisë Amerikane, të paraqitura nga përfaqësues të Universitetit të New Jersey!
Shpresojmë që ky hap i parë i një bashkëpunimi kaq të rëndësishëm të zgjerohet e të fuqizohet në vijim, duke përfshirë e duke krijuar edhe mundësi më të mëdha për studentët e stafin e FMD e UMT.
E-Diaspora
-
Puna në qiell të jep ndjenjën e paqes “Nuk ka asgjë më mirë se të mund të punoj në qiell. Kur kam kohë dhe...
-
Hapet në Toronto Java e Kulturës së Kosovës
-
Cyrih: Zhvillohet seminari “Institucionalizimi i mësimit plotësues të gjuhës shqipe në diasporë – Zvicër”
-
Paraqitet si kroat, me pasaportë false – burgoset muratori nga Kosova
-
Ka shantazhuar një të burgosur: 8 muaj shtesë për kosovarin e dënuar me 16.5 vjet burgim
Jeta në Austri
-
A do të kufizojë Hallstatt i Austrisë turizmin këtë sezon? Një nga fshatrat më të bukur dhe më të mbushur me njerëz të Austrisë po kërkon...
-
Planifikonte sulm në Graz të Austrisë, arrestohet 14-vjeçarja me origjinë nga Mali i Zi
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë?
-
Rreth 350 biznese nga diaspora dhe Kosova u mblodhen në Prishtinë
-
Si po e ndryshon motin në Austri ngrohja globale?