Nina Beck, gjermanja që u dashurua me Kosovën: Më pëlqen këtu, njerëzit janë të gjallë

Gjermanja Nina Beck ka vizituar sërish Kosovën pas tre vitesh, duke shprehur dëshirën që të rikthehet më shpesh dhe duke veçuar mikpritjen dhe gjallërinë e njerëzve.

Nina Beck, një shtetase gjermane që duket se ka krijuar një lidhje të veçantë me Kosovën, është rikthyer në vend pas vizitës së saj të parë para tre vitesh, transmeton albinfo.ch.

Gjatë vizitës së saj në Kosovë, Beck ka qëndruar edhe në Kuvend, ku ka folur për përshtypjet që ka krijuar nga vendi dhe njerëzit e tij.

“Kam qenë këtu para 3 vitesh. Më pëlqen Kosova dhe dua të vij më shpesh. Njerëzit janë të gjallë”, ka thënë ajo gjatë vizitës në Kuvend.

Fjalët e saj pasqyrojnë një nga aspektet që shpesh tërheq vizitorët e huaj në Kosovë – energjinë, shoqërueshmërinë dhe atmosferën e veçantë që krijohet nga njerëzit.

Për Beck, vizita e parë nuk ka mbetur thjesht një përvojë turistike. Pas tre vitesh, ajo është rikthyer sërish, ndërsa tashmë shpreh dëshirën që Kosovën ta vizitojë edhe më shpesh.

Rikthimi i saj tregon se përtej monumenteve, peizazheve dhe destinacioneve turistike, përvojat njerëzore dhe kontakti me vendasit mund të jenë ndër arsyet kryesore që i bëjnë të huajt të rikthehen në Kosovë. /Albinfo.ch

---