Nga sot, gjermanët do t’i paguajnë vetë testet Covid

Keystone

Mësohet se nga 11 tetori gjermanët duhet të paguajnë vetë për testet e Coronës. Ato do të vazhdojnë të jenë falas për fëmijët nën 12 vjeç dhe për gratë shtatzëna.

Thuhet se më shumë se një gjysmë viti testet kundër Coronës ishin falas, tani shumica e tyre duhet të paguhen nga qytetarët gjermanë. Nga 11 tetori hyri në fuqi rregullorja federale, sipas së cilës qytetarët duhet të paguajnë vetë për testet e Coronës. Testet do të vazhdojnë të jenë falas për fëmijët nën 12 vjeç dhe gratë shtatzëna. 

Politika thotë se do ishte e gabuar të paguhej nga shoqëria testi i Coronës për ata që refuzojnë vaksinimin, kur tani ky është i mundur.

Edhe bashkitë gjermane e kanë përshëndetur këtë vendim. “Ne nuk mendojmë se heqja e testeve falas do të çojë në konflikte serioze sociale”, është shprehur Gerd Landsberg, kreu i Shoqatës së Bashkive dhe Komunave Gjermane, për rrjetin redaksional gjerman, “Redaktionsnetzwerk Deutschland”./dw